Read Runyoro - rutooro Zab 77 Bible Online

Zab 77 - Runyoro - rutooro bible

Zab 77

¹Nterra Ruhanga omukungo; nterra Ruhanga omukungo nukwo ampurre.

²Ha kiro eki nkwatirwaho obujune, nserra MUKAMA; omu bwire bw'ekiro ngorra emikono yange ntarukujwaha, omwoyo gwange, gwanga kuhumuzibwa.

³Obu nteekerezaaho Ruhanga, ndira, obu nyecumiitiriza nduhirra

⁴niiwe onkwata ebisweko by'amaiso, nukwo ndeke kuzibiriza; Nyenuubire muno tinsobora n'okubaza.

⁵Ninteekereza ebiro ebya ira, ninyijuka emyaka eya kara na kara.

⁶Omu bwire bw'ekiro nkaguza isenkati mutima; nyecumiitiriza kandi nyekebiija omwoyo gwange:

⁷“MUKAMA alitwangira kimu ebiro byona, talitwegarurra ebiro byona?

⁸Engonzi ze ezitayuga eza buli na buli, ikahwaho? Ebi yanihiize kubaho akasumi koona, bikahwaho?

⁹Ruhanga akeebwa kugira embabazi? Rundi habw'ekiniga, takyaina kuganyira?”

¹⁰Hanyuma nubwo nayekagwize nti, obusobozi bwa Ruhanga, tibuli nkooku bukaba buli?

¹¹Obu nyijuka ebi wahikiriize, Ai MUKAMA, obunyijuka ebihuniriza ebi wakozire ira.

¹²Nteekerezaaho byona ebi wakozire, nyecumiitiriza emirimo yawe yoona

¹³Ai Ruhanga omuhanda gwawe guhikiriire. Mbandwa ki erukwingana Ruhanga waitu?

¹⁴Niiwe Ruhanga anyakukora ebihuniriza, ayayolekere obusobozi bwawe omu mahanga.

¹⁵Okacungura abantu baawe n'omukono gwawe, nubo abaana ba Yakobbo na Yosefu.

¹⁶Ai Ruhanga, amaizi obu gaakuboine amaizi obu gakuboine, gakatiina, ego, enziha z'amaizi nazo ikatukumira.

¹⁷Ebicu bikaseesa amaizi; iguru likahinda enkuba zaagamba; emirabyo yawe ekamyalikya embaju zoona.

¹⁸Okuhinda kw'enkuba kukaba kuli omu kairiringwa; emirabyo yawe ekamulikya omunsi; ensi ekatukumira yatengeeta.

¹⁹Omuhanda gwawe gwarabaga omu nyanja, akahanda kaawe omu maizi amaingi; baitu nabwo busaho bigere byawe ebyarozirwe.

²⁰Okeebembera abantu baawe nk'igana nooyekonyeza Musa n'Arooni.