Read Runyoro - rutooro Zab 8 Bible Online

Zab 8 - Runyoro - rutooro bible

Zab 8

¹Ai MUKAMA, MUKAMA waitu, ibara lyawe ka ly'ekitiinisa muno omunsi yoona!

²Iwe ow'ekitiinisa ekinyakuhaisanizibwa haiguru, Okaraba omukanwa k'abaana abato n'enkerembe, okombeka ekisiika eky'okutanga abanyanzigwa bawe, kuculeeza omunyanzigwa n'omuhoozi w'enzigu.

³Obu ndora omumwanya haiguru, iguru eri wakozire n'engaro zawe, okwezi n'enyunyuuzi ebi wagumize,

⁴Nyekaguza nti omuntu ataina nkooku ali habwaki omutekerezaaho, omuntu buntu habwaki omugirra embabazi?

⁵Dora, okamukora naaburaho kake kwingana Ruhanga. Okamuha ekitiinisa n'okukugizibwa.

⁶Okamuha kulema byona ebi wakozire; ebintu byona wabita hansi y'ebigere bye,

⁷entaama zoona n'ente, oteho n'ebisoro eby'omu kisaka,

⁸Ebinyonyi eby'omu mwanya n'encu ez'omu nyanja, kyona ekinyakuraba omu mihanda ey'enyanja.

⁹Ai MUKAMA, MUKAMA waitu, ibara lyawe ka ly'ekitiinisa omunsi yoona!