Read Runyoro - rutooro Zab 80 Bible Online

Zab 80 - Runyoro - rutooro bible

Zab 80

¹Ohurre, Iwe omuliisa wa Isirairi iwe anyakwebembera Yozefu nk'igana! Iwe anyakwikaliire hakitebe na ba kerubbi, oyangasane

²oyeyoleke enganda za Efuraimu, Benyamiini na Manaase! Otwoleke amaani gaawe, otujune!

³Ai Ruhanga, otugarreho; amaiso gaawe kagangasane, nukwo tujunwe!

⁴Ai MUKAMA Ruhanga ow'amahe, olihikya nkaha kukwatirwa ekiniga okusaba kw'abantu baawe.

⁵Okatuliisa ebyokulya by'obujune, watuha amaizi g'omumaiso nugo kunywa omubwingi.

⁶Okatufoora ky'okugaywa omu mahanga agatwehinguliriize; abanyanzigwa baitu nibatusekereza.

⁷Ai Ruhanga ow'amahe, otugarreho; amaiso gaawe kagangasane! Otwoleke embabazi zaawe turaajunwa.

⁸Omu Misiri okaihayo omuzabbibbu; wabinga amahanga wagubyara.

⁹Okagusemereza ekiikaro nukwo gukule; emihama yagwo ekagenda hansi hara, kandi gwaijuza ensi.

¹⁰Ensozi ikaswekwa ebiituuru byagwo, emikogoto ya Ruhanga ekaswekwa amataagi gaagwo;

¹¹Amataagi gaago gakagaliha gaahika ha nyanja n'obusonga bwagwo bwahika ha Kisaaru Efuraate.

¹²Hati habwaki waseesire ebisiika byagwo, nukwo omuhinguzi weena anoge ebijuma byagwo?

¹³Ensenge enyakuruga omu kibira egubuuleeza, enyamaiswa zoona ez'omu kisaka igulyaho.

¹⁴Ai Ruhanga ow'amahe, garuka! Oyeme omwiguru, orole; ote omutima gwawe ha muzabbibbu gunu,

¹⁵ekikoro eki wabyaize omukono gwawe ogw'obulyo.

¹⁶Bakagwokya n'omurro, baagutema gwagwa hansi; habw'okubaroza amaiso gaawe g'ekiniga, nibakaborogote.

¹⁷Baitu omukono gwawe kagugende ha bantu baawe aba wayekomiiremu, omwana w'omuntu iwe wenka ou wahaire amaani w'amaani!

¹⁸Obu tituligaruka enyuma tukakurugaho; otuhe obwomeezi, nukwo twikalege nitukukugiza!

¹⁹Ai MUKAMA Ruhanga ow'amahe, otugarreho! Otwoleke embabazi zaawe, nukwo tujunwe.