Read Runyoro - rutooro Zab 81 Bible Online

Zab 81 - Runyoro - rutooro bible

Zab 81

¹Muzine n'omuhimbo hali Ruhanga amaani gaitu; muzinire Ruhanga owa Yakobbo n'omuhimbo!

²Mwimukye ekizina, muteere akagoma, endongo, hamu n'enanga.

³Muteere ebburuuzi okwezi kubonekere, obu kuba kuli bitale, ha kiro ky'obugenyi bwaitu.

⁴Habwokuba kiragiro kya Isirairi, kya Ruhanga owa Yakobbo.

⁵Akakiteeraho Yosefu, obu yagenzire kuseesira ensi Misiri. Nimpurra iraka eri ntakamanyahoga nirigamba:

⁶Nkakutuura omugugu kuruga ha mabega; emikono yaawe nkagiha obugabe yaruga ha kigega.

⁷Omu bujune okanyeta nakujuna; nkakugarukamu ndi omu kiikaro eky'ensita nindaba omu muyaga; ha maizi ga Meribba nkakulenga.

⁸Inywe abantu bange, muhurre, okuhabura kwange! Nyabura iwe Isirairi, haakire kakuba ompuliriize!

⁹Omuli inywe hatalibamu ruhanga atarukumanywa; otaliinamira ruhanga weena omunyaihanga.

¹⁰Ninyowe MUKAMA Ruhanga wanyu, ayabaihire omunsi Misiri, oyesamye akanwa kaawe, ndakuliisa

¹¹“Baitu abantu bange, batampulirize; Isirairi atanyorobere.

¹²Nanyowe nukwo kubaleka omu bwereme bwabo, bahondere ebi bahanuuraga.

¹³Kakuba abantu bange bampuliriize, Isirairi kakuba ekozire ebi ndukugonza!

¹⁴Omu kasumi kake waakubingire abanyanzigwa baabo, nsingura abazigu baabo.

¹⁵Abo abanyakunoba MUKAMA baakumwebundaliiza ekifubiro kyabo kyakwikaireho ebiro byona.

¹⁶Inywe naakubaliisize engano erukukira oburungi, mbaigusa n'obwoki kuruga omumwandara”