Read Runyoro - rutooro Zab 83 Bible Online

Zab 83 - Runyoro - rutooro bible

Zab 83

¹Ai Ruhanga, otaculeera; Ruhanga, otatufereza obusinge bukabura okagira ci!

²Habwokuba dora, abanyanzigwa baawe bali omu kajagarro; abo abaakunobere bakwemiire.

³Nibacika omu nsita kukora kubi abantu baawe; nibeekoba hamu bakole kubi abo aboolinda.

⁴Bagamba bati: “Mwije tuhwerekerereze kimu ihanga lyabo; ibara lya Isirairi litaligaruka kwijukwa!”

⁵Ego nibeekoba bataina kwecwamu; nibakora endagaano y'okukurwanisa

⁶abantu aba: Edomu aba Isimairi, aba Mowabbu n'Abahagali;

⁷aba Gebbali, aba Amoni, aba Amaleki aba Firisiti n'Abasi ba Taya;

⁸Asiiriya nayo ebeeteeranizeeho; nubo abantu abaamaani baijukuru ba Loti.

⁹Obakole nkooku wakozire Midyani, nkooku wakozire Sisera na Yabbini ha kisaaru Kisoni,

¹⁰abaahwerekereziibwe ha kiikaro Endora, abafookere nk'obusa ha itaka.

¹¹Ab'ekitiinisa baabo obafoole nka Olebbu na Zeebbu, n'abanyoro baabo boona bafooke nka Zebba na Zarumuna;

¹²abaagambire bati: “Leka itwe itwenka twetungire amaliisizo ga Ruhanga,

¹³Ai Ruhanga wange, obararangye nk'ecuucu y'akairiringwa, nk'ehunda nehuuhuurwa omuyaga.

¹⁴Nk'omurro nkooku gusiriiza ekibira, nk'endimi z'omurro nkooku zookya ensozi.

¹⁵Na iwe nukwo obacuucuule n'ihunga lyawe, obatiinise n'ekiyaga kyawe!

¹⁶Ai MUKAMA, amaiso gaabo ogaswaze, nukwo bazoole ibara lyawe.

¹⁷Ka baswazibwe kandi batuntuzibwe ebiro byona; leka baborogote n'ekihemu.

¹⁸Leka bamanye, ngu iwe wenka niiwe MUKAMA, niiwe olema boona aba hansi.”