Read Runyoro - rutooro Zab 84 Bible Online

Zab 84 - Runyoro - rutooro bible

Zab 84

¹Ai MUKAMA ow'amahe, Ekiikaro oikaramu kakikasemera!

²Omwoyo gwange gwegomba, ego, guruhirra habw'ekikaali kya MUKAMA, omutima gwange n'omubiri bizinira Ruhanga omwomeezi n'omuhimbo.

³Noobu kyakuba ekisirya kyeserurra enju, n'entaahi enyina ekiju kyayo, nambere esobora kwalika amahuli; eriindira ebyana byayo haihi n'itambiro lyawe, Ai MUKAMA ow'amahe, Omukama kandi Ruhanga wange.

⁴Bakahiirwa abo abaikara omunju yaawe, buli kasumi nibazina ebyokukukugiza!

⁵Abantu ab'amaani gaabo garuga hali Iwe, baina Omugisa, abo abaine ekihika omumitima yabo kubunga ha Rusozi Siyoni.

⁶Obu baraba omu kihanga kya Bbaca. Bakifoora ekiikaro ky'ensoro; enjura y'Itumbi ekiijuza n'ebitungeezi.

⁷Obu baba nibagenda beeyongera amaani; balirora Ruhanga wa baaruhanga oku omu Siyoni.

⁸Ai MUKAMA Ruhanga ow'amahe, Ruhanga owa Yakobbo, otege okutu ohulirize okusaba kwange!

⁹Ai Ruhanga iwe engabu yaitu; omukama waitu ayasesirweho amagita omuhe omugisa.

¹⁰Habwokuba ekiro kimu omu kikaali kyawe, nikikira oburungi ebiro rukumi omubiikaro ebindi. Haakire kirungi mbe muliinzi w'Orwigi rw'Enju ya Ruhanga wange kukira kwikara omu maka g'ababi.

¹¹Habwokuba MUKAMA Ruhanga ali izooba, kandi ngabu; aha omugisa n'ekitiinisa. Ekintu kyona ekirungi, MUKAMA takiima abo abanyakukora ebyagonza.

¹²Ai MUKAMA Ow'amahe, omuntu ogu anyakukwesiga, akahiirwa.