Read Runyoro - rutooro Zab 85 Bible Online

Zab 85 - Runyoro - rutooro bible

Zab 85

¹MUKAMA, okagirra embabazi ensi yaawe; okagarurra Yakobbo omugisa.

²Okaganyira ebibi by'abantu baawe; okabaihaho eby'okusiisa byabo byona.

³Okalekera kimu kubakwatirwa ekiniga; okahinduka noolekerayo kimu ekiniga kyawe ekyaka.

⁴Ai Ruhanga ow'okujunwa kwaitu, otwegarurre, olekere aho kutubihirirwa!

⁵Olitukwatirwa ekiniga ebiro byona? Ekiniga kyawe kirikaraho ebiro n'ebiro?

⁶Toligaruka okaturuhuura nukwo abantu baawe bakakyanganuka?

⁷Ai MUKAMA, otwoleke engonzi zaawe ezitayuga, otuhe okujuna kwawe.

⁸Kampulirize Ruhanga, MUKAMA ekyaraagamba, habwokuba naija kubaliza abantu be eby'obusinge, abo abagaruka nambere ali, abahikiriire be

⁹Mananukwo okujuna kwe kuli haihi abo abamutamu ekitiinisa, kandi ekitiinisa kiraikaraga omunsi yaitu.

¹⁰Engonzi ezitayuga n'obwesigwa biritangatangana; obuhikiriire n'obusinge birinywegerangana

¹¹Obwesigwa bulyaruka kuruga omwitaka, n'obuhikiriire bulyema omwiguru burole hansi.

¹²Ego, MUKAMA aligaba ebirungi, ensi yaitu iriijura omweru mwingi.

¹³Obuhikiriire bulyebembera MUKAMA bumuteekanirize omuhanda.