Read Runyoro - rutooro Zab 94 Bible Online

Zab 94 - Runyoro - rutooro bible

Zab 94

¹Ai MUKAMA, niiwe Ruhanga Kahooranzigu, Iwe Ruhanga kahooranzigu, weeyoleke!

²Imuka iwe omucwi owemisango ow'Ensi yoona; abeekuliriza obahe ebibasemeriire!

³Ai MUKAMA, ababi balihikya nkaha, baligarukira ha kwikara nibeebuga?

⁴Baikara nibafukumura ebigambo byabo eby'emyehembo, enkozi z'ebibi zoona nizeehaahira.

⁵Bacwacwana abantu bawe, Ai MUKAMA babonabonesa obugwetwa bwawe

⁶baitu enfaakati n'omunyaihanga kandi nibazinda enfuuzi;

⁷nukwo nibeegambira bati, “MUKAMA tarukurora; Ruhanga wa Yakobbo tarukwetegereza.”

⁸Mwetegereze, inywe abantu entaami! Badoma inywe, mulihabuka di?

⁹Ogu ayataireho okutu, nuwe ataahurre? Ogu ayabumbire eriiso, nuwe ataarole?

¹⁰Ogu anyakuhana amahanga, nuwe ataasaalize? Ogu anyakwegesa abantu amagezi,

¹¹MUKAMA amanyire ebiteekerezo by'abantu nkooku bitabamu magezi

¹²Ai MUKAMA, ka muhiirwa omuntu ogu, ou ogorra, kandi ou oyegeseza omu biragiro byawe,

¹³nukwo omuhe obusinge omwihe omu biro eby'omuhito okuhika ekiina obu kiririmirwa ababi.

¹⁴Habwokuba MUKAMA talinagaija bantu be; talihemukira bugwetwa bwe.

¹⁵Habwokuba obwinganiza buligarukira abahikiriire; kandi boona ab'omutima ogutereekeriire balibuhondera.

¹⁶N'oha anyakwema na nyowe kurwanisa ababi? N'oha anyakukwataniza na nyowe kurwanisa enkozi z'ebibi?

¹⁷MUKAMA kakuba atarankonyiire, naakubaire ndaire omunsi nambere haikara akahuno.

¹⁸Ai MUKAMA, nambere nateekereriize nti, “Naterebuka,” engonzi zawe ezitayuga nuho zangumiize

¹⁹Omutima gwange obuguba nigutuntuzibwa ebintu bingi, ohuumuza omwoyo gwange.

²⁰Abalemi ababi, abanyakukora eby'itima nibabirabya omu kiragiro, basobora kweteerana na iwe?

²¹Beekoba hamu kwita abarungi, n'okucwera omusango ogw'okufa abataina musango.

²²Baitu MUKAMA, nuwe yafookere kigo kyange ekigumire, kandi Ruhanga wange, nuwe yabaire mwandara ogw'obwesereko bwange.

²³Alibafubira habw'ebibi byabo byona alibahwerekereza habw'obubi bwabo; MUKAMA Ruhanga waitu alibabuuleeza.