Read Runyoro - rutooro Zab 97 Bible Online

Zab 97 - Runyoro - rutooro bible

Zab 97

¹MUKAMA ahangiriize; ensi ekyanganuke; ensi enyingi eza ha mukungu zisemererwe!

²Ebicu n'omwirima kasira bimwehinguliriize; obuhikiriire n'obwinganiza, nugwo omusingi ogw'ekitebe eky'obukama bwe.

³Omumaiso ge ayebemberwa omurro ogunyakuhwerekereza abanyanzigwa be boona abanyakuli orubaju n'orubaju.

⁴Emirabyo ye emulikira Ensi yoona; ensi erora kandi etukumira.

⁵Ensozi zaaga Omumaiso ga MUKAMA, Omumaiso ga MUKAMA ow'ensi yoona.

⁶Iguru lirangirra obuhikiriire bwe; kandi amahanga goona, garora ekitiinisa kye.

⁷Boona abanyakuramya ebisisani baswara, abanyumiriza omu bisisani ebitanyina mugaso; inywe embandwa inywena, ogu nuwe muramye

⁸Ai Ruhanga, Siyoni ehurra kandi esemererwa, habw'emicwere yawe ey'emisango abantu ba Yuda bakyanganuka.

⁹Ai MUKAMA, habwokuba niiwe anyakuli haiguru muno omulemi w'ensi yoona; oli w'ekitiinisa mali okukira embandwa.

¹⁰MUKAMA agonza abo abanyakunoba obubi; alinda obwomeezi obw'abahikiriire be, abajuna abaiha omu busobozi bw'ababi.

¹¹Ekyererezi kikajwera abahikiriire kandi omuhimbo gukakwata ab'omutima ogutereekeriire.

¹²Inywe abahikiriire mukyanganukire omu MUKAMA kandi muhaisanize ibara lye erirukwera.