Read Runyoro - rutooro Nfu 12 Bible Online

Nfu 12 - Runyoro - rutooro bible

Nfu 12

¹Weena anyakugonza kworoorwa, ogu nuwe anyakugonza amagezi, baitu ogu atagonza kuhanwa, mudoma.

²MUKAMA asiima omuntu omurungi, baitu acwera omusango, ogu anyakutegeka kukora obubi.

³Obubi tibuleetera muntu obusinge, baitu abahikiriire ebiro byona, tibatengeeta.

⁴Omukazi ow'engeso enungi, kondo ya iba, baitu anyakuhemura iba, asisana nk'ekookoro enyakuli omu magufa ge.

⁵Ebitekerezo by'Abahikiriire, biba by'obwinganiza, amagezi g'ababi, gaba g'obucwangya.

⁶Ababi baikara nibacika kuseesa esagama baitu akanwa k'abahikiriire, kajuna abantu.

⁷Ababi bajuumikwa bahwerekerra, baitu enju y'abahikiriire, eriikaraho.

⁸Amagezi g'omuntu, nugo gamuleetera okunyumizibwa baitu ow'ebiteekerezo ebibi, agaywa.

⁹Omuntu atali w'ekitiinisa anyakwekorra wenka, akira ogu ayenyumiza wenka, kandi kunu aseegere ebyokulya.

¹⁰Omuntu omuhikiriire, ata omutima ha bisoro bye, baitu omutima gw'omubi tigugira mbabazi.

¹¹Omuntu anyakulima itaka lye, nuwe alitunga ebyokulya bingi, baitu anyakwetaho ebintu ebitaina mugaso, aba mudoma.

¹²Omunaara ogugumire ogw'ababi guseeseka, baitu ekikoro eky'abahikiriire tikitengeeta.

¹³Akanwa k'omuntu omubi nuko kamunaga omu mutego. Baitu omuhikiriire atabuka omuhito.

¹⁴Omuntu ebigambo ebyabaza, nibyo bimuleetera ebirungi omuntu ekyakora, nikyo kimugarukira.

¹⁵Omuntu omudoma obutoosa ateekereza ati: eki ndukukora kihikire, baitu omugezi atega okutu bamuhabule.

¹⁶Omudoma obu abiihirwa, ayoleka bwango ekiniga, baitu omuntu ow'amagezi, tafaaho bijumo.

¹⁷Ogu anyakugamba amazima, ayoleka obwakaiso obw'amananu baitu kaiso ow'ebisuba abaza eby'obucwangya.

¹⁸Haroho anyakubaza ebigambo ebya kumukumu ebinyakucumita nk'empirima, baitu ebigambo by'omuntu ow'amagezi bitamba.

¹⁹Ebisuba, bimara akasumi kake bihwaho, baitu amazima gaikaraho ebiro byona n'obusinge.

²⁰Emitima y'abo abakwatirra obubi ikarwaamu obucwangya, baitu abategeka oburungi, baba n'okusemererwa.

²¹Abahikiriire tibagwerwa kabi, baitu ababi, beekumirwaho emihito.

²²MUKAMA tagonza mbiihi z'ebisuba, baitu asiima abo ababaza amazima.

²³Omuntu ow'amagezi, asereka amagezi ge, baitu abadoma barangirra obudoma bwabo.

²⁴Omuntu omwekambi nuwe alirema, baitu enturumuki, araakoraga emirimo y'akagemo.

²⁵Kweralikiirra kwanura omuntu, baitu ebigambo eby'embabazi, bimukyanganura.

²⁶Omuntu omuhikiriire afuuhya obubi, baitu ababi, bakwata omuhanda ogunyakubahabisa.

²⁷Omuntu enturumuki taliita nyamaiswa, baitu omwekambi nuwe alitunga ebirungi eby'omuhendo.

²⁸Obuhikiriire nugwo muhanda oguhikya omu bwomeezi, obubi, niryo ikuute erinyakutwara omu kuhwerekerra.