Read Runyoro - rutooro Nfu 17 Bible Online

Nfu 17 - Runyoro - rutooro bible

Nfu 17

¹Kirungi okulya akacweka k'omugaati akoomere oteekaine okukira okulya obugenyi omunju enyakurumu empaka.

²Omwirurubaale ow'amagezi alirema omwana omwojo arukuswaza, kandi alitunga obugwetwa, nk'omu ha b'anyina omwana ogu.

³Ezaabbu n'efeeza bisemezibwa omurro, baitu MUKAMA nuwe asemeza omutima gw'omuntu.

⁴Omuntu omubi, ahuliiriza ababi ebi bagamba, kandi embiihi y'ebisuba, ehuliiriza abanyaitima ebi babaza.

⁵Omuntu anyakusekereza omunaku, ajuma Ruhanga ayamuhangire, kandi anyakusemererwa habwokuba omuntu ondi ali omu kabi, ogu taligurukwa kifubiro.

⁶Abaijukuru niyo kondo y'abagurusi, kandi ekitiinisa kyabaana nubo baisebo.

⁷Abantu ab'ekitiinisa tibabiiha bisuba, kandi abadoma, tibagira karungi na kamu aka babaza.

⁸Haroho abantu abanyakuteekereza ngu enguzi, esisana nk'ibaale er'isano, bagumya ngu, esobora kukora buli kintu.

⁹Omuntu anyakuganyira anyakumusobezeeho, aserra kugonzibwa, baitu ogu anyakugarukanganamu ekintu, asiisa omukago.

¹⁰Omuntu ow'amagezi, eki bamuhabura kimutaaha muno, baitu omudoma, n'obuyaakuteerwa emiigo kikumi tahabuka.

¹¹Omuntu omubi aikara naateekereza obwemi bwonka, ogu, alitwekerwa omukwenda ataina mbabazi.

¹²Haakire, oitirana ebuguma y'edubu enyagirweho ebyana byayo, otaitiraine omudoma, naakora ekintu eky'obudoma.

¹³Omuntu kakuba akora ekibi, kandi kunu uwe akoliirwe ekirungi, ekibi tikiriruga omunju ye.

¹⁴Okutandika kw'empaka, kusisana kwigurra amaizi, habweki, orugehoga enkungani etakatandikire.

¹⁵Omuntu anyakwihaho ababi omusango, n'ogu anyakugusingisa abarungi, boombi MUKAMA tabagonza.

¹⁶Omudoma tagira eky'agasirwa, okuhayo sente ze, ngu ayegesibwe, habwokuba, tarukwetegereza.

¹⁷Obusumi bwona, enganjani zoolekangana engonzi kandi obu habaho akabi, baanyineemu ki abatajunangana?

¹⁸Omuntu atarukwetegereza, nuwe wenka, anyakwemera kusasurra omuntu ondi amabanja.

¹⁹Omuntu anyakugonza empaka, agonza kuteerwa emiigo, omuntu ow'ebigambo by'emyehembo, aserra kuhwerekerra.

²⁰Omuntu anyakwina omutima oguramaire, tatunga mugisa, kandi anyakubaza ebintu ebibi, agwa omu kabi.

²¹Omwana omudoma asaaliza ise, kandi anyakuzaara omudoma, tagira muhimbo.

²²Omutima ogurumu okusemererwa nugwo omubazi omurungi, baitu omwoyo ogw'amaganya gwomya amagufa.

²³Abacwi b'emisango ababi, baliira ha rubaju enguzi, nukwo baleke kuhikiriza obwinganiza.

²⁴Omuntu ow'amagezi, omutima gwe gwona agumarra ha magezi, baitu amaiso g'omudoma gaikara nigarora hoonahoona.

²⁵Omwana omudoma asaaliza ise, kandi aisa obujune nyina kimuzaara.

²⁶Tikiri kirungi okulehesa ataina musango, tikihikire kuteera abantu ab'ekitiinisa.

²⁷Omuntu anyakulema orulimi, ogu nuwe kalimagezi, kandi ogu anyakwina obwomeezi obutekaine, nuwe omuntu enyetegereza.

²⁸Noobwakubaire omudoma anyakuculeera, na uwe ayetwa mwegendereza obu ayanga kubaza, bamweta w'amagezi.