Read Runyoro - rutooro Nfu 20 Bible Online

Nfu 20 - Runyoro - rutooro bible

Nfu 20

¹Amaarwa musekeereza, ekyokunywa eky'amaani kireeta enkungani; anyakugeetaho, tagira magezi.

²Ekiniga ky'omukama ekibi, kitiinisa nk'entale erukubbukura, omuntu anyakumubiihiza, aba ayenagire omu kabi.

³Okutateera mpaka, kireetera omuntu ekitiinisa; baitu abadoma boona, kukungana nugwo mulimo gwabo.

⁴Gateerra, omu irima takwataho nfuka, baitu omuigesa, nubwo aligenda kuserra ebyokulya, baitu, talibibona.

⁵Ekigendererwa eky'omutima gw'omuntu, kisisana amaizi ag'iziba erihamire, omuntu omwetegereza, nuwe agatahamu.

⁶Abantu baingi beetenda obwesige baitu omwesigwa nyakabara nooha asobora kumuzoora.

⁷Omuntu omurungi anyakukora ebirungi, abaana be baliheebwa omugisa, uwe atakyaroho!

⁸Omukama anyakwikarra ha kitebe ky'obukama kucwa emisango, ayekebiija obubi bwona.

⁹Muntu ki asobora kugamba ati: “Nkasemereza kimu omutima gwange; Tinyina kibi?”

¹⁰Amabaale agatali g'amazima, na minzaani ezirukunyaga, ebi byombi MUKAMA tabyenda.

¹¹Nobwakubaire omwana, ayeyolekera habikorwa bye, nuho amanyirwa, obu araaba ali mwesigwa, kandi murungi.

¹²Okutu okunyakuhurra, n'eriiso erinyakurora ebi byombi, MUKAMA nuwe yabikozire.

¹³Olekege kunulirwa oturo, tutaliija kukwinaza, oyemarre ha mirimo, olirya oigute, bisaage n'okusaaga.

¹⁴Omuguzi, butoosa agamba ati: “Onseeriire, onseeriire,” baitu obu amara kugenda, nubwo ayesiima.

¹⁵Haroho ezaabbu n'empura ey'amabaale ag'omuhendo, baitu akanwa akabaza eby'amagezi, eri niryo ibaale ery'omuhendo mali.

¹⁶Omuntu anyakwemera omunyaihanga, omwihehoga eby'okujwara ogu arayemeraga abanyamahanga nuwe ofoolege mukwato.

¹⁷Omugaati ogunyakutungwa n'obugobya nugwo gunurra omuntu baitu obu hahinguraho akacu kake, omu kanwa gumufookera musenyi.

¹⁸Obanzeege ohanulirwe nukwo ogumye entegeka zaawe, oyebemberweege abeetegereza, nukwo oramage.

¹⁹Omuntu anyakugenda naajonjogorwa, talinda nsita, habweki, olekege kwetaho omuntu anyakubaza eby'obudoma.

²⁰Omuntu anyakukondereza ise, rundi nyina, obwomeezi bwe bulihwaho nk'etaara enyakuzimira omu mwirima kasira.

²¹Itungo erikwizira bwango okubanza, hanyuma tiriba ly'omugisa.

²²Olekege kugamba oti: “Ndyehorra, enzigu,” olinde MUKAMA, nuwe alikukoonyera.

²³MUKAMA tagonza amabaale agatali g'amazima, na minzaani ezirukwiba, tizimusemeza.

²⁴MUKAMA, nuwe atutegekera omuhanda, omuntu asobora ata, kumanya obwomeezi bwe nkooku buliba?

²⁵Obanzeege oteekereze kurungi otakaraganiize MUKAMA ekihongwa, otaliikara kulemesibwa hanyuma.

²⁶Omukama ow'amagezi, ayekebiija ababi nukwo abafubira, atarukuganyira.

²⁷Omwoyo gw'omuntu, niyo etaara ya MUKAMA, enyakumumulika byona ebimuli omunda.

²⁸Amananu n'obwesigwa nibyo birinda Omukama kandi ekitebe ky'obukama bwe, kisagikwa obuhikirire.

²⁹Ekitiinisa eky'abasigazi, nugo amaani gaabo, baitu okusemera kw'abagurusi, nizo enju zaabo.

³⁰Enkoba ezinyubura nugwo omubazi omurungi ogunyakutamba obubi, emiigo ekiza ebintu byona ebiri omunda.