Read Runyoro - rutooro Nfu 27 Bible Online

Nfu 27 - Runyoro - rutooro bible

Nfu 27

¹Otalyenyumiza, olekege kwenyumiza habw'ekiro ekya nyenkya, habwokuba, tomanyire ebi kisobora kuleeta.

²Olekege omuntu ondi, nuwe akuhaisanize; otalyehaisaniza wenka; ohaisanizibwege omunyaihanga, baitu iwe otalyehaisaniza wenka.

³Ibaale liremeera, n'omusenyi gulemeera, baitu ekiniga ky'omudoma kiremeera okukira ebi byombi.

⁴Obukaya tibubamu mbabazi, ekiniga kihwerekereza, baitu n'oha, asobora kwemera ihali?

⁵Kirungi kuhana bbwa, kukira engonzi iserekerwe.

⁶Munywani w'omuntu noobu akora ekibi, tikirorwa. Baitu omunyanzigwa noobu akora ekirungi, tikisiimwa!

⁷Omuntu anyakwigusire tayenda bwoki, baitu arukurumwa enjara, ekirukusarra kyona akyeta kirukunulirra.

⁸Omuntu anyakuhaba eka ye, asisana nk'ekinyonyi, ekinyakuhaba ekiju kyakyo.

⁹Amagita n'ebintu ebirukuboya nkooku bisemeza omutima gw'omuntu, n'obunuzi oburungi omu mpanuura eya ha mutima gw'enganjani ye, nukwo bumusemereza buti.

¹⁰Otalihemukira munywani waawe na munywani wa sso; kandi obw'oligwa omu kabi, otalyebinga owanyoko, omutaahi anyakukuli haihi akira owanyoko anyakukuli hara.

¹¹Mwana wange, obe muntu w'amagezi nukwo onsemeze, nukwo nsobole kugarukamu omuntu ogu arukunjunaana.

¹²Omuntu omunyamagezi, arora akabi kandi akeehugura; baitu omudoma, akeenagamu kandi asaalirwa amazire kukagwamu.

¹³Omuntu obu araayemeraga omunyaihanga, omwihehoga ekijwaro kye, kandi ow'araamuheerayoga omukwato, nuwe afoolege mwana we.

¹⁴Omuntu anyakwimuka nyenkya kara, akasabira omutaahi omugisa n'iraka erirukuhulirwa, ogu asisana nk'arukumukyena.

¹⁵Obujura obunyakwikara nibutonyerra ha kiro ky'enjura n'omukazi omunyankungani, bisisana.

¹⁶Omuntu weena ou asobora kumutanga kukungana, ogu asobora n'okutanga omuyaga rundi kubumbaatira amagita agaagiibwe omu mukono gwe ogw'obulyo.

¹⁷Ekyoma kiteekera ekyoma kitaahi kyakyo nukwo kitoora kukiraho, omuntu nawe asemezibwa kwikara na mutaahi we ow'engeso enungi.

¹⁸Omuntu anyakurolerra omuti omutini nuwe alya ebijuma byagwo, n'omuntu anyakulinda mukama we, nuwe aliheebwa ekitiinisa.

¹⁹Nkooku hatakabahoga bantu babiri abaine amaiso agarukusisana, n'emitima y'abantu nukwo etasisana.

²⁰Nyabuyonga na malaika owa nyabuyonga nkooku bitaniha, n'amaiso g'omuntu nago, nukwo gataniha.

²¹Ekinaga nikyo kisemeza efeeza, kandi etanuuro esemeza ezaabbu, baitu omuntu amanyirwa hakuhaisanizibwa kwe.

²²Noobu obberengura omudoma omu nsekuro n'omwana gw'ensekuro, okamutwarraniza hamu n'engano enyakubberengwirwe, nabwo, obudoma bwe tibusobora kumurugamu.

²³Omanyege kurungi, embuzi zaawe nkooku ziri, kandi orolerrege ente zaawe;

²⁴habwokuba, itungo tiriikaraho ebiro n'ebiro, ekondo teba ya buli na buli.

²⁵Obunyansi obu bukurunjuka, hakamera obuhyaka, obunyansi obw'ensozi bukasoroozibwa,

²⁶ebyoya by'entaama nubwo olibiihamu ebyokujwara, kandi embuzi nubwo oliziiihamu sente ez'okuguza ekibanja;

²⁷olitunga amata g'embuzi maingi ag'oranywaga, abantu baawe agabaranywaga, kandi nugo agaliteeka abazaana baawe.