Read Runyoro - rutooro Mug 10 Bible Online

Mug 10 - Runyoro - rutooro bible

Mug 10

¹Ensohera ezifiire nkooku inunkisa amagita g'omukozi w'ebirukuboya obudoma obuke na bwo nukwo busiisa amagezi n'ekitiinisa.

²Omutima gw'omuntu ow'amagezi, gumutomya ha mukono ogw'obulyo, baitu omutima gw'omudoma, gumutomya ha gw'obumoso.

³Omudoma noobu aba naaraba omu ruguudo, tagira magezi, kandi agambira buli muntu, nkooku ali mudoma.

⁴Omulemi kakuba akubiihirirwa, olekege kuruga omu kiikaro kyawe, habwokuba, okworoba kuganyiza emisango mikooto.

⁵Omunsi munu, haroho akabi aka nayetegeriize, akanyakuli ensobi enyakuleeterezibwa abalemi.

⁶Abadoma nubo bateekanizibwa omu biikaro bingi eby'ekitiinisa kandi abaguuda baikarra omu kiikaro kya hansi.

⁷Nkabona abairu rubaale batembere embaraasi, kandi abanyoro, nibarubata nk'abairu rubaale.

⁸Omuntu anyakulima obuhya, nuwe abutoora; kandi omuntu anyakuhagura ekisiika, enjoka nuwe etema.

⁹Anyakwiiha amabaale, nuwe gacumita; kandi anyakwasa emiti, nuwe ehutaaza.

¹⁰Ekyoma obu kiba kitatoire kandi omuntu akalema kukiteekera, kimuhikiriire kwongeraho amaani; baitu empeera y'amagezi ei gaha, nubwo obusinguzi.

¹¹Enjoka kakuba etema etakooherwe, omwohi tagira mugaso.

¹²Ebigambo ebinyakugambwa omuntu ow'amagezi, bimuleetera okukolerwa ebirungi, baitu akanwa k'omudoma, kamuhwerekereza.

¹³Ebi atandika kubaza, biba by'obudoma, kandi ebi amalirirraho liba iraro lyonyini.

¹⁴Omudoma ahurumbya noobu haba hataroho muntu arukumanya ekirukwija kubaho kandi n'oha ow'asobora kumugambira ekiribaho, uwe amazire kurugaho?

¹⁵Omulimo gw'omudoma gumujwahya muno, alema n'okumanya omuhanda, ogunyakutwara omu rubuga.

¹⁶Olikibona nsi iwe, Mukama waawe obu araaba ali mwana, kandi abanyoro baawe obu baraaba bazindukira okulya amagenyi.

¹⁷Oli muhiirwa, iwe nsi, omukama wawe obu araaba ali mwana w'abantu ab'obugabe kandi abanyoro baawe obu baraaba nibalya ha kasumi akasemeriire nibagenderra kutunga amaani, batarukugenderra etamiiro!

¹⁸Obuturumuki buleetereza orusu kuseeseka kandi obugara, buleetera enjura kugwa omunju.

¹⁹Ebyokulya bicumbirwa enseko, kandi eviini esemereza obwomeezi, baitu sente, nizo zireeta buli kintu.

²⁰Noobu oraabaga nooteekereza olekege kukyeena omukama, kandi noobu oraabaga omu kisiika kyawe eki oraaramu, otalikondereza abaguuda; habwokuba enyonyi ey'omu mwanya erikuhurra, rundi ebihangwa ebimu ebinyakwina amapapa, bikigambe.