Read Runyoro - rutooro Mug 4 Bible Online

Mug 4 - Runyoro - rutooro bible

Mug 4

¹Nkagaruka nayetegereza, byona ebinyakukorwa kunionioza abantu omunsi. Nkarora amaziga g'abantu abarukusaalizibwa. Kandi bakaba bataina muntu ow'okubahuumuza! Abo abakaba nibabasaaliza, nubo bakaba baina obusobozi, banu bakaba bataina muntu ow'okubahuumuza.

²Kandi nkateekereza nti, abafu abaafiire ira, baina omugisa okukira aboomeezi abatakafiire,

³baitu ow'arukubakira bombi, nuwe ogu ow'atakabahoga, kandi ow'atakaroraga ebikorwa ebibi, ebinyakukorwa omunsi.

⁴Hanyuma, nkeetegereza omulimo gwona, n'okwekambira omulimo bireetwa ihali omuntu eri agirra mutaahi we. Eki nakyo, tikiina mugaso, kandi kiri nk'okubinga omuyaga.

⁵Omudoma atera engaro ze ayeretera enjara kumwita.

⁶Ekihi kimu eky'obusinge, kirungi okukira ebihi bibiri eby'okutalibanira, nkaabinga omuyaga.

⁷Omunsi nkagaruka narora ekitaina mugaso.

⁸Omuntu ataina muntu n'omu, taina mwana, rundi owanyina, baitu nabwo, tarukulekerra kutalibana, kandi amaiso ge, tiganiha eby'obuguuda, nukwo kuteekaguza omurundi na gumu ati, “N'oha ou ndukutalibanira nti, nkeebuza okusemererwa?” Eki nakyo, tikiina mugaso, kandi kintu ky'obujune.

⁹Abantu ababiri, bakira omu, habwokuba, omulimo ogu batalibanira, bagutungamu empeera nungi.

¹⁰Habwokuba, omu hali bo kakuba agwa, omu aimukya mutaahi we; baitu omuntu anyakwikara wenka, ow'aligwa akaburwa ow'okumwimukya, alikibona.

¹¹Ekindi, abantu babiri kakuba babyama hamu, batagata; baitu omu anyakuli wenka, asobora ata kutagata?

¹²Omuntu noobu araaba naasobora kusingura omuntu omu anyakuli wenka, ababiri bamusingura. Omuguha ogw'enyabusatu, tigucweka bwango.

¹³Omusigazi omunaku kandi ow'amagezi, noobu aliba yarugire omu nkomo yateera engoma, rundi yagenda omu bukama bwe bwonyini, noobu aliba yazairwe ali munaku,

¹⁴naakira omukama omugurusi, kandi omudoma, atakyaikiriza kuhaburwa.

¹⁵Nkarora abantu boona aboomeezi, abanyakugendagenda omunsi, n'omusigazi ogu ow'akaba naija kwemerra omu kiikaro kye.

¹⁶Omuhendo gw'abantu boona ab'arukulema, gukaba gutarukubarwa, kandi abo abalimukurata, tibalimusiima; habw'ebi ebi yakozire, mazimakwo eki nakyo tikiina mugaso, kandi kiri nk'okubinga omuyaga kwonka.