Read Runyoro - rutooro Mug 5 Bible Online

Mug 5 - Runyoro - rutooro bible

Mug 5

¹Obu oraabaga noogenda omunju ya Ruhanga, orubatege mpora; kwirra haihi okatega okutu, kirungi okukira kuhonga ekyonzira nk'abadoma okubakora; habwokuba, tibamanya nkooku barukukora ekibi.

²Obanzeege oteekereze otakabalize kandi olekege kurahukiriza kuraganiza Ruhanga, habwokuba, Ruhanga ali omwiguru, kandi inywe muli omunsi; habweki, obazeege ebigambo bike.

³Habwokuba ekirooto kiruga omu kutuntura kwingi kandi orubazo orw'ekidoma kuruga omu bigambo bingi.

⁴Obu oraaraganizaaga Ruhanga ekintu, eki oraganiize, okihikirizeege bwango, habwokuba Ruhanga tagonza badoma. Ohikirizeege endagaano yaawe.

⁵Ekirukukira oburungi, leka kukora endagaano, okukira kugikora, okalema kugihikiriza.

⁶Ebigambo oyebaliize wenka, bitalikunaga omu kibi, nukwo okagambira Nyakatagara wa Ruhanga oti, “eki ntakigenderre.” Habwaki, oyohereza Ruhanga kukubiihirirwa? Habwaki, omuhambiriza kusiisa eki wakozire?

⁷Habwokuba, ebirooto obu byeyongera, ebigambo eby'obudoma, nabyo bikanya: baitu iwe, otiine Ruhanga.

⁸Obu oraaroraga omu Isaza, abanaku nibaitwa kubi nibakorwa kubi obulyo noobwinganiza bitarukufiibwaho eki kitalikuhuniiriza; habwokuba, omunyoro omukuru aroleererwa arukukiraho obukuru, kandi haroho n'abanyoro, abarukukira abo obukuru.

⁹Omu bintu byona, omukama ayesiga ensi enyakulimirwemu emisiri.

¹⁰Omuntu anyakugonza sente, taliziniha, noobwakubaire ogu anyakugonza obuguuda n'amagoba eki nakyo, tikiina mugaso.

¹¹Ebintu obu bikanya, n'abali baabyo bakanya, Mukama wabyo agobaho ki? Tinukwo kubiroza amaiso kwonka?

¹²Omukozi, noobu alya bike, rundi bingi, agwijagira kurungi; baitu itungo ly'omuguuda eriingi, tirimwikiriza kugwijagira.

¹³Haroho akabi akakooto aka naboine omunsi: Omuntu akeetungira itungo ery'okumusaaliza,

¹⁴kandi itungo eri, lyahwera omu bikorwa ebibi, ogu nuwe omusaija anyakuzaara omwana kunu ataina kantu.

¹⁵Nkooku yarugire omunda ya nyina, nukwo aligaruka agende busa nkooku yaizire, ha mulimo gwe, taliihaho kantu aka aligenda akwasire.

¹⁶Ako na ko, kabi kakooto: nkooku yakaizire, nukwo alikagenda, omu kuhendekera omuyaga, akaihamu magoba ki?

¹⁷Akamara obwomeezi bwe ali omu mwirima n'omu bujune, omu kutuntura okwingi, omu ndwara n'omu kubiihirwa.

¹⁸Eki naboine ekirungi kandi ekihikire, nukwo kulya, kunywa n'okusemerererwa omu mulimo, omuntu ogu akora omunsi. Okumara ebiro ebike eby'obwomeezi bwe, Ruhanga obu yamuhaire, habwokuba ogu nugwo mugabo gwe.

¹⁹Kandi omuntu weena, Ruhanga ou yahaire ituungo, ebintu n'obusobozi kubyegondezaamu, okwikiriza omugabo gwe n'okwegondeza omu mulimo gwe, eki kisembo kya Ruhanga.

²⁰Habwokuba, Ruhanga aikara naamuha, okusemererwa, ebiro eby'obwomeezi bwe, talibiijuka muno.