Read Runyoro - rutooro Mug 6 Bible Online

Mug 6 - Runyoro - rutooro bible

Mug 6

¹Nkeetegereza akabi akanyakuli omunsi, kandi akabi ako, kalemeera abantu:

²Omuntu Ruhanga ou aha obuguuda, ebintu, n'ekitiinisa, ha byona ebi ayegomba nukwo aleke kuburwaho na kimu, baitu nabwo tamwikiriza kubyegondezaamu, omunyaihanga, nuwe abyegondezaamu. Eki tikiina mugaso, kandi ky'okusaalirwa kwingi.

³Omusaija kakuba azaara abaana kikumi, akoomeera emyaka nyingi, akahangaara baitu atarukwekonyeza ebintu ebirungi eby'obwomeezi, kandi akabura ow'okumuziika ningamba nti, omuntu ogu, naakirwa enda enyakurugiremu.

⁴Habwokuba kuzaarwa, omwana ogu, tikwina eki kumugasira; agenda omu mwirima, nambere ataliijukwa.

⁵Talirora izooba ebiro byona; kandi talimanya ekyetwa bwomeezi, baitu aba azoire ekihuumuro. Akirra hara omuntu oli.

⁶Noobu akwomeera emyaka enkumi ibiri, baitu atarukusobora naakake kwekonyeza ebirungi eby'obwomeezi, boona hamu, tibagenda omu kiikaro kimu?

⁷Omuntu eki atalibanira nukwo kulya, baitu enda ye teriijura ebiro n'ebiro.

⁸Omuntu ow'amagezi, akizaki omudoma? Okumanya eby'okukora omu bwomeezi, omuntu omunaku, kumugasa ki?

⁹Eki tikiina mugaso; oku kuli nk'okubinga omuyaga. Kirungi kusemererwa n'eki oinakyo, okukira okwikara nooyegomba kinu na kiri.

¹⁰Buli kintu kyona ekinyakubaho, kikategekwa ira, kandi itwena tukimanyire, omuntu tasobora kuteeza empaka, omuntu ow'arukumukira amaani.

¹¹Okuteera empaka nkooku kweyongera, okutaba na mugaso, nakwo nukwo kweyongera, toina eki ogasiirweho.

¹²N'oha anyakumanyire ekinyakugasira omuntu, akyali mwomeezi naamaliriza ebiro ebike eby'obwomeezi bwe obutaina mugaso, obunyakuhingura nk'ekituuru? N'oha asobora kugambira omuntu ekiribaho omunsi, akasumi ke kamazire kuhwaho?