Read Runyoro - rutooro Kiz 5 Bible Online

Kiz 5 - Runyoro - rutooro bible

Kiz 5

¹Munyaanya nyowe, Omugole wange, nyizire omu musiri gwange, ninsorooza emigaju n'ebiboya, ndiire ebisasara n'obwoki, nywiire eviini yange n'amata gange. Enganjani zange, mulye, munywe, inywe enganjani zange, munywe kuhika obu murahaaga engonzi.

²Ngwijagiirege, baitu omutima gwasigara nigurora. Hurra! Enganzi yange naateera ha rwigi. “Munyaanya nyowe, enganzi yange, eriiba lyange, emburakamogo; nkingurra, omutwe gwange gujubire orume, ebiyondo byange, birumu obutoonyatoonya bw'ekiro.”

³Mbaire mazire kujuuramu orugoye, hati ndujwale nta? Naabire ebigere, hati ngaruke mbiiraguze?

⁴Enganzi yange nubwo yarabize omukono omu kihengere, omutima gwange gwaniiniirwa habwokumanya andi haihi.

⁵Nkaimuka kukingurra enganzi yange, engaro zange zaatonya Miira, enkumu zange obu zaakwasire ha ibona zikaba niziboya omugaju.

⁶Nkakingurra enganzi yange, baitu akaba amazire kugarukayo. Omwoyo gwange, gukafuberra obu yabalize. Nkamuserra, baitu ntamubone; nkamweta, tiyangarukamu.

⁷Abalinzi obu bakaba nibagendagenda omu rubuga, bakandora; baanteera, bamputaaza, abalinzi beebisiika abo, bakatwara omwenagiro gwange.

⁸Inywe abaisiki ba Yerusaalemu, nimbeesengereza mumugambire ngu, okugonza kundwaize.

⁹Iwe rukira bakazi, arukutwesengereza ngu tukuraganize turaagambira enganzi yaawe, enganzi ezindi naazikizaaki?

¹⁰Enganzi yange weena naayera, n'ananata, murungi kandi w'amaani; abantu omutwaro gumu naabarabamu.

¹¹Omutwe gwe, guli nk'ezaabbu esemereziibwe kimu; ebiyondo bye b'isoke, byehosire, nibiiragura nk'ekyegoora.

¹²Amaiso ge, nigasisana ag'amaiba, agali hansoro z'amaizi, googere omu mata, gateekaine kurungi.

¹³Amata ge, nigasisana emisiri y'ebiboya, yoona ijwire okuboya. Eminwa ye, eri nk'amaranga, neesemeza mooli ey'amaizi.

¹⁴Emikono ye ebibikirwe ezaabbu, etaburaine n'obubaale obw'omuhendo. Omubiri gwe, noogira oti gukakorwa omu masanga, gubibikirwe Safiro.

¹⁵Amaguru ge, gali nk'enyomyo ezibakozeseze obubaale oburukwera, isimbirwe omu biina by'ezaabbu Okusisana kwe, ali nk'ensozi za Lebbanooni, akomerwemu nk'emikogoto.

¹⁶Engambo ye niyo erukukirra kimu kunulirra, weena w'okuligira. Inywe abaisiki ba Yerusaalemu, enganzi yange kandi enganjani yange, egi niyo ensisana ye.