Read Runyoro - rutooro Is 20 Bible Online

Is 20 - Runyoro - rutooro bible

Is 20

¹Omu mwaka engabwa eyatumirwe Sarutaani omukama w'Asiriya ogu yahikiiremu omu rubuga Asidoodi akarurwanisa kandi akaruhamba.

²Omu kasumi ako, MUKAMA akaba agambiire Isaaya mutabani w'Amozi ati: “Genda ojuulemu eguniya ei ojwaire omunda oihe n'enkaito omu maguru;” Isaaya nukwo yakozire, yatandika kugenda busa kandi atajwaire nkaito.

³MUKAMA akagamba ati: “Omuheereza wange Isirairi, nkooku yamazire emyaka esatu naagenda busa kandi atajwaire nkaito, ako kali karorwaho kandi kirango ekirukuranga ebikaba nibiija kugwera Misiri n'Esopiya,

⁴MUKAMA w'Asiriya, na uwe nukwo araayebembera abanyagwa Abanyamisiri na Abesopiya abaazaahisibwe, abato n'abakuru, abatwale ali busa kandi atajwaire nkaito; ha kibunu ateenagireho kantu ahemule Misiri.

⁵Aho abantu abaayesigaga Esopiya kandi abaayehulizibwaga Misiri balihwa amaani kandi basoberwe.

⁶Ha kiro eki, enzaarwa eza ha mukungu ogw'enyanja egi, baligamba bati: ‘Kinu nikyo kigweriire abo aba twayesigaga kandi aba twayebingire batukoonyere, batujune omukama w'Asiriya! Lero itwe, turaatabuka tuta?’ ”