Read Runyoro - rutooro Is 24 Bible Online

Is 24 - Runyoro - rutooro bible

Is 24

¹MUKAMA alihwerekereza ensi agimalemu abantu, aligijuumika, ararangye abagiikaramu

²Abantu boona balihikwaho ebintu binu, ebirihikaho abantu kwonka, nibyo birihikaho banyakatagara, ebirihikaho abairu, nibyo birihikaho bakama baabo; ebirihikaho abazaana nibyo birihikaho bagole baabo; ebirihikaho abaguzi, nibyo birihikaho abatunzi; ebirihikaho abarukwehora, nibyo birihikaho abarukutongwa.

³Ensi erihwerekererra kimu, kandi erisiisikarra kimu; habwokuba eki, MUKAMA nuwe akigambire.

⁴Ensi neeteera empamo neeganya kandi neehotoka, ensi yoona neruhirra kandi ehotokere; iguru nirihwerra hamu n'ensi.

⁵Abantu basiisire ensi, nibacwa ebiragiro bya Ruhanga kandi nibacwa endagaano ei yataireho ikaleho obusinge bwona.

⁶Ruhanga nukwo kukyena ensi; abantu nibasasurwa eki baakozire, nikyo abaikazi baamu barukusiririirra, hasigaireho abantu mbarwa.

⁷Emizabbibu neehotoka, viini etandikire kukeeha. Abantu boona ira abaikaraga basemeriirwe, hati bali omu obujune.

⁸Abaikaraga basemeriirwe nibateera enjogera, baculiire, etoko ey'abantu abagira omuhimbo tekyaroho, okusemererwa kw'abateezi b'enanga kuhoireho.

⁹Abantu tibakyanywa viini nibazina ebizina; eky'okunywa eky'amaani, nikisaalirra abo abakinywa.

¹⁰Omu rubuga ebintu byona birarangire, amaju goona gakingirwe, nukwo haleme kubaho n'omu arukutaaha.

¹¹Abantu nibateera enduuru omu mihanda habw'okuburwa amarwa; omuhimbo tigukyaroho, okusemererwa kw'ensi kukahwerekerra.

¹²Orubuga, tirurumu kantu, amalembo garwo bikamburo.

¹³Eki nikyo kirukwija kubaho omu mahanga goona, omunsi yoona. Nikiija kuba nk'omu kasumi k'isingorra, emiti yoona emazire kunogororwa, n'ebijuma eby'okumalirra bimazire kunogwa hamizabbibbu.

¹⁴Abasigaireho baliimukya amaraka bazine habw'omuhimbo, aba Bugwaizooba, balisubirra MUKAMA nkooku ali mukuru.

¹⁵Habweki, inywe aba Burugaizooba muhaisanize MUKAMA, aba hamikungu y'enyanja, muhaisanize ibara lya MUKAMA, Ruhanga owa Isirairi.

¹⁶Ha mitaano yoona ey'ensi, nituhurra ebizina eby'okuhaisaniza, eby ekititiinisa hali Ogu Omuhikiriire. Baitu nyowe ningamba nti: “Mpoireho, mpoireho obujune bw'okunyita, kamboine! Encwangya ikora eby'obucwangya.”

¹⁷Inywe abantu abali omunsi, mutege amatu, mbagambire ebintu ebirukutiinisa, obuhya n'omutego bibategeriize.

¹⁸Omuntu ow'alihurra ekintu ekirukutiinisa akairuka, aligwa omu buhya; ow'alitabuka obuhya, alikwatwa omutego Habwokuba amadirisa g'iguru gakingwirwe, emisingi y'ensi neetengeeta.

¹⁹Ensi ericwekacweka ensi eribagaanuka ensi eritengeeta muno.

²⁰Ensi erizongazonga nk'omutamiizi, eritengatengeta nk'akasiisira; ekibi kyayo kirigiremeera erigwa, kandi obu erimara kugwa, terigaruka kwimuka.

²¹Ha kiro eki, MUKAMA alifubira ebintu byona ebya haiguru, omwiguru, n'abakama ab'ensi abanyakuli hansi, omunsi.

²²Balisoroolezibwa hamu nk'abanyankomo abanyakuli omu kiina; balikingirwa omu nkomo, kandi obu halihinguraho ebiro bingi, balifubirwa.

²³Okwezi kuliswekwa omwirima, izooba tiririgaruka kujwa; habwokuba, MUKAMA ow'amahe alirema ha rusozi Siyoni orwa Yerusaalemu, kandi alyoleka abantu ekitiinisa kye.