Read Runyoro - rutooro Is 39 Bible Online

Is 39 - Runyoro - rutooro bible

Is 39

¹Omu kasumi ako, Merodaaki-Bbaradaani mutabani wa Bbaradaani omukama wa Bbabbulooni, akatweka engabwa yaziha n'ebbaruha hamu n'ekisembo hali omukama Hezekiya, habwokuba akahurra nkooku akaba arwaire kandi ngu akizire.

²Hezekiya akabajwahukirra; yabooleka eryahurro eri yayahuramuga itungo lye. Efeeza, ezaabbu, emigaju, amagita ag'omuhendo, ekiikaro ekiyayahuramuga eby'okurwanisa bye byona, byona ebikaba biri omu maahurro ge; hatasigale kintu na kimu omunju ye rundi omu bukama bwe bwona Hezekiya ekyataraboolekere.

³Omurangi Isaaya nubwo yahikireho omukama Hezekiya yamukaguza ati: “Abantu abo obagambire ki kandi barugire nkaha?”

⁴Yakaguza ati: “Omunju yawe, baboinemu ki?” Hezekiya yagarukamu ati: “Baboine byona ebinyakurumu; busaho kintu na kimu ekinyakuli omu lyahurro lyange eki ntaboolekere.”

⁵Hanyuma Isaaya yagambira Hezekiya ati: “Ohurre MUKAMA ow'amahe eby'arukugamba:

⁶Akasumi nikaija kuhika, ebintu byona ebinyakuli omunju yawe na byona baaswenkuru ebi baayahwire okuhika ha kiro kinu, aka biritwalirwamu Bbabbulooni; MUKAMA agambire ngu: tihalibaho ekintu na kimu ekirisigaraho.

⁷Kandi abamu ha baana bawe nyabwawe aba wazaire, balinyagwa; kandi balikonwa, nukwo baheereze omu kikaali ky'omukama wa Bbabbulooni.”

⁸Nubwo Hezekiya yagarukiremu Isaaya ati: “Ekigambo kya MUKAMA eki ongambiire kirungi.” Habwokuba akateekereza ati: “Omu kasumi kange, halibaho okuteekaana n'okugwagwana.”