Read Runyoro - rutooro Is 4 Bible Online

Is 4 - Runyoro - rutooro bible

Is 4

¹Halibaho akasumi, abakazi musanju obu balyekwata omusaija omu bamugambe bati: “Turaayeriisa itwenka kandi twejweke itwenka, baitu leka turukwe ibara lyawe; otwiheho ekihemu.”

²Halibaho akasumi, itaagi lya MUKAMA obulirisemera likagira ekitiinisa; byona ebijuma eb'itaka biriba by'okwegomba kandi birungi habw'abo abaliba basigaireho

³Omuntu weena owaliba asigaire Siyoni kandi ow'aliba ali Yerusaalemu, alyetwa muhikiriire nogu weena aliba ahandiikirwe omu boomeezi,

⁴MUKAMA obu aliba amazire kwogyaho obubi bwa bahara ba Siyoni, amazireho ebitonyezi eby'esagama ebya Yerusaalemu, abimazire hagati yarwo, naayekoonyeza omwoyo ogw'okucwa emisango n'omwoyo ogw'okwokya.

⁵Nubwo alihanga ebicu eruguru ey'ekibanja kyona ekya Siyoni, omu bwire bwa nyamusana, omwika n'omurro ogurukumulika omu bwire bw'ekiro; ekitiinisa kya Ruhanga kiriswekerra kandi kirinde orubuga rwona.

⁶Ekitiinisa kye, omu bwire bwa nyamusana, kiraaswekerraga orubuga kirufukafukye kandi kirufoole kiikaro eky'obusinge, ekitasobora kugwibwamu enjura n'okuteerwa ihunga.