Read Runyoro - rutooro Is 46 Bible Online

Is 46 - Runyoro - rutooro bible

Is 46

¹Bbeeri abundaire, Nebbo ainamire; ebisisani byabo biri ha nsozi na ha nte: ebintu ebimwetwekere biremiire nk'enkeeto ha bisoro ebijwaahire.

²Bainamire, babundaaziibwe hamu. Tibasobora kujunira ekibahimbire, nabo bonka bagenda omu kusengurwa.

³Muhurre nyowe inywe enju ya Yakobbo, abaasigaire ab'omunju ya Isirairi abanaheekaga okuruga omunda abanahimbaga okuruga omukuzaarwa;

⁴kandi n'okuhikya okuhwita niinyowe Ogu, kuhika ha kumera enju ndikuhimba. Ninyowe nakozire, ndiheeka; ndihimba kandi ndijuna.

⁵Mulinsisaniza oha nukwo twingane, kandi mukandengesaniza, nukwo tusisane?

⁶Abo abaiha ezaabbu mu nsahu, kandi nibalenga efeeza ha munzaani, bagulirra omuheesi, agikolemu embandwa; hanyuma bagwa hansi baramya!

⁷Bagiimukya haiguru hamabega gaabo, bagihimba bagita omukiikaro kyayo, eyemerra aho; tesobora kweyiiha mukiikaro kyayo. Omuntu obw'agyeta, tesobora kumugarukamu rundi kumujuna omukabi.

⁸Mwijuke kinu kandi mukiteekereze, mutakyebwa inywe abakora obubi.

⁹Mwijuke ebintu ebikuru ebyabaireho ira; habwokuba, ninyowe Ruhanga, tiharoho ondi; ninyowe Ruhanga, busaho n'omu anyakunsisana.

¹⁰Nyowe ayarangire empero okuruga okubanza, kandi ayarangire ebintu ebya ira bitakabaireho, ningamba nti: Ebi nagambire birihikirra kandi byona ebi nategekere ndibihikiriza.

¹¹Ndyeta enyonyi kalya nyama eruge Burugaizooba, n'omuntu ounatekeriize kuruga omunsi eya hara.

¹²Mumpulirize inywe abantu ensiikoomi inywe abali hara n'okujunwa

¹³Okujuna kwange nkwiriize haihi, tikulikerererwa, ndita okujunwa mu Siyoni, nyumize Isirairi.