Read Runyoro - rutooro Is 50 Bible Online

Is 50 - Runyoro - rutooro bible

Is 50

¹MUKAMA naagamba ati: Ebbaruha ey'okwahukana na nyoko, ei namuhaire niimubinga, eri nkaha? Kandi hali abo abarukutonga, n'oha ou nakugulize? Obubi bwanyu nubwo bwabagulize, kandi ebibi byanyu nibyo byaabingisize nyinainywe.

²Obunaizire, habwaki ntarasangireho muntu? Obu nayesire, habwaki hatarabaireho angarukamu? Omukono gwange, mugufu, tigusobora kucungura? Rundi tinyina busobozi obw'okujuna? Ngamba ekigambo kimu kyonka, enyanja eyoma ebisaaru mbifoora irungu; encu zaabyo zikombabara zinunka habw'okuburwa amaizi, ziitwa iroho.

³Iguru ndijweka omwirima, kandi ndijweka eguniya.

⁴MUKAMA Ruhanga akampa orulimi orw'abantu abeegesiibwe, nukwo nsobole kugumyaaga enjwahi n'ebigambo ebi ndukugamba buli nyekya anyimukya kara, anyigura amatu nukwo mpurre nk'abo abeegesiibwe.

⁵MUKAMA Ruhanga akampa okwetegereza ntamwemere kandi ntamurugeho.

⁶Abakaba nibanteera, nkabateerayo omugongo, kandi abo abaameenyere omuleju nabaha amatama; nteeswekerre amaiso habw'ensoni na habw'okucwerwa amacwanta.

⁷Habwokuba, MUKAMA Ruhanga ankoonyera; habweki, ntaburanganizibwe; nikyo kyampaire obumanzi, namanya nkooku ntaliswazibwa;

⁸Ogu ow'arandwanirra andi haihi. N'oha aranjunaana?

⁹MUKAMA Ruhanga nankoonyera; n'oha arantaho omusango? Boona abarukunyegerra, balikura bacencebuke nk'ebyokujwara; balitematemwa enyenje

¹⁰n'oha omuli inywe anyakutiina MUKAMA kandi anyakuhurra omwiru we, anyakugendera omu mwirima, akaburwa ekyererezi, kandi kunu naayesiga MUKAMA, naayesiga Ruhanga we? Inywe inywena abanyakuhemba omurro, abanyakukoleereza ebimuli.

¹¹Inywe inywena abanyakuhemba omurro, abacumika ebimuli, mugendere omumurro ogu muhembere na ha bimuli ebi mucumikire. Kinu nikyo ndibaha: muliikara omu kubonabona.