Read Runyoro - rutooro Is 56 Bible Online

Is 56 - Runyoro - rutooro bible

Is 56

¹MUKAMA naagamba ati: “Mugendere ha bwinganiza kandi mukole ebihikire, habwokuba okujuna kwange kumaliize kwija kandi obuhikiriiire bwange buli haihi kweyoleka.

²W'omugisa omuntu ogu anyakukora eki, w'omugisa omwana w'omuntu anyakukikwatira kimu Ogu anyakukuza ekiro kya Sabbato, atarukwanga kukitamu ekitiinisa, anyakwetanga kukora ebibi.”

³Omunya-ihanga ayayehaire MUKAMA ataligamba ati: Mazimakwo, MUKAMA alinsoroora omu bantu be; kandi omukonwa ataligamba ati: ndi muti ogw'omere.

⁴Habwokuba abanyakukuza ekiro kyange ekya Sabbato, abanyakuta omutima ha bintu ebinyakunsemeza kandi bakagumiza kimu endagaano yange,

⁵ndibaha ekiikaro omunju yange n'omu bisiika byange, ndibaha ibara erirukumanywa ery'aboojo n'abaisiki ndibaha ibara eritalihwaho, ery'ebiro byona.

⁶Kandi akagambira abanyamahanga abanyakumweha kumukorra, kumugonza n'okumusenga, weena anyakukuza Sabbato atarukwanga kugitamu ekitiinisa, anyakukwatira kimu endagaano yange.

⁷Abo ndibatwara ha rusozi rwange orurukwera, kandi ndibaijuza omuhimbo omunju yange ey'okusabiramu. Ebihongwa byabo eby'okwokya n'ebyonzira byabo, biriikirizibwa haitambiro lyange; habwokuba enju yange, eraayetwaga Nju y'okusabirwamu ey'amahanga goona.

⁸MUKAMA Ruhanga anyakusorooza Abaisirairi abaabingirwe naagamba ati: Ndyongera mmusorooleze abandi, mbongere hali abo aba musoroize ira.

⁹Inywe inywena enyamaiswa ez'omu bwerre, inywe inywena enyamaiswa ez'omu kibira, mwije mujunjubule.

¹⁰Abalinzi be bihimbaara boona tibaina ekibamanyire; boona mbwa ezaigaire akanwa, tizisobora kuboigora; beebyamiire nibaroota, nibanulirwa oturo.

¹¹Embwa, enjara y'okuziita; tizirukulya zikaiguta. Abaliisa nabo basema boona beekwatiire emihanda yabo, buli omu naayekorra nkooku arukwenda kandi naayeserurra ekirukumugasira.

¹²Nibagamba bati: Mwije tutabarre eviini tunywere kimu nkooku turukusobora; ekiro ekya ijo nakyo kirisisana nka kinu.