Read Runyoro - rutooro Is 58 Bible Online

Is 58 - Runyoro - rutooro bible

Is 58

¹MUKAMA naagamba ati: Otoke, muno, otazinda iraka, oliimukye lihulirwe nkery'engwara, omanyise abantu bange obubi bwabo, ogambire abantu ab'enju ya Yakobbo ebibi byabo.

²Banserra bukyabukya nkabasemerererwa kumanya ebingonza nibesisaniza nk'ihanga eryakozere ebirungi, eritaranagire biragiro bya Ruhanga walyo; nibansaba ebiragiro ebihikirire, nibasemererwa okwirra haihi Ruhanga.

³Habwaki twasiibire, tiwarora nkooku turukusiiba? Habwaki twayebundaize, tiwamanya nkooku turukwebundaaza? MUKAMA akabagarukamu ati:

⁴Habwokuba, okusiiba kwanyu yabaga nkungani n'okurwana kwabaga kuteera ababi entomi. Ensiiba nkeyanyu egi biro binu tesobora kuhulirwa Ruhanga anyakuli haiguru.

⁵Egi niyo nsiiba eingonza? Eki, nikyo ekiro omuntu eki ayebundaalizaaho? Kusiiba nukwo kwinamya omutwe nk'orubingo, nukwo kujwara ebitengo n'okubyama omwiju? Oku nukwo orukweta kusiiba kandi nikyo ekiro ekyorukugira ngu nikisiimwa Ruhanga?

⁶Enu niyo nsiiba eyingonza: Okusumurra ababi okubaihamu emiguha kubohorra enkoba ez'abanyakuboherwemu ebikoligo, okulekera abarukubonabonesibwa n'okwihiraho kimu ebikoligo byona.

⁷Kuhaho abajara ebyokulya byawe, okuraaza omunju yawe abataina buraaro; kakuba obona arukugenda busa, kumujweka kandi n'okuteesereka abantu ab'oruganda rwawe.

⁸Obu, nubwo ekyererezi kyawe kiritemura nk'emamba, n'ebihuta byawe bikire bwango.

⁹Obu oraasabaga ndaakuhaga eki osabire; obu oranyetaga, ndaakugarukamuga.

¹⁰Obwoliha abajara ebyokulya, okahuumuza abarukubonabonesibwa, obu nubwo ekyererezi kyawe kirijwera omu mwirima, obujune bwawe burugwemu okusemererwa.

¹¹Na MUKAMA arakwebemberaga butoosa; aliigusa obwomeezi bwawe n'ebirungi, olyongera amaani ha magufa gaawe; kandi oliba nk'omusisa ogwitirirwe amaizi, nk'ensoro yamaizi etooma.

¹²Ebitongo byawe ebya kara birigarurwaho, olime emisingi y'obwire bwingi; kandi olyetwa mudabirizi w'ebisisikaire, musemeza w'emihanda y'okwikarwamu.

¹³Obwolirinda Sabbato nkekiro ekirukwera, otekoliire ebyawe ha kiro eki; okatamu ekitiinisa ekiro kyange ekyokuhumura okeserurra eby'okwesemeza rundi okaterramu orujali;

¹⁴Nubwo olisemerererwa omu MUKAMA kandi ndikutembya mu biikaro bya haiguru; ndikwigusa n'obugwetwa bwa Yakobbo sso; akanwa ka MUKAMA nuko kakigambire.