Read Runyoro - rutooro Is 63 Bible Online

Is 63 - Runyoro - rutooro bible

Is 63

¹N'oha ogu arukuruga Edomu, arukuruga Bozira, anyakujwaire ebyokujwara ebirukutukura, ogu anyakujwaire ebyokujwara, ebirukumuzookesa nkooku ali w'ekitiinisa, arukurubata n'ekitiinisa n'amaani? Ninyowe MUKAMA, owobusobozi obw'okujuna, ninyowe arukwija kurangirra obusinguzi bwange.

²Engoye zawe, zitukuziibwe ki, n'ebyokujwara byawe, bikasisana nk'omujungi arukujunga omu ndeeba?

³MUKAMA naagarukamu ati: Njungire amahanga nk'arukujunga emizabbibbu, kandi busaho muntu n'omu ayaizire kunkoonyera, nkabajungisibwa ekiniga, esagama yabo nukwo kutaraakira engoye zange.

⁴Nkacwamu nti, akasumi ak'okujuna abantu bange kahikire; ako nuko akasumi ak'okufubira abanyanzigwa baabo.

⁵Nkamagamaga, baitu hatabeho muntu n'omu ow'okunkoonyera; nkacwekwa enkizi, baitu hatabeho muntu n'omu kumpuumuza omukono gwange nugwo gumpaire obusinguzi, kandi ekiniga kyange nikyo kyangumize.

⁶Ekiniga kyange nikyo kyandubaatiriize amahanga, nagacwacwana, esagama yabo nagiseesa.

⁷Ndisubirra engonzi za MUKAMA ezitagarukirra kandi ndaamuhaisanizaaga habw'ebi byona ebi yatuhaire, na habw'ebirungi ebi yahaire enju ya Yakobbo, ebi yabahaire habw'embabazi ze, habw'engonzi ze ezitagarukirra.

⁸Habwokuba MUKAMA akagamba ati: Mazimakwo; bantu bange, baana abataliba ncwangya; nukwo kufooka Mujuni waabo.

⁹Omu kubonabonesibwa kwabo kwona, na uwe akabonabonesibwa hamu nabo, batajunwe mukwenda rundi malaika, baitu MUKAMA wonyini nuwe yabajunire. Akabajuna habw'engonzi ze na habw'embabazi ze; Yabaroleerraga ira lyona.

¹⁰Baitu bakamwemera, baasaaliza Mwoyo we Arukwera; na uwe nukwo kufooka munyanzigwa waabo; uwe wonyini yatandika kubarwanisa.

¹¹Hanyuma baijuka obusinge obwa ira obwa Musa omwiru wa MUKAMA, baayekaguza bati: MUKAMA ayajunire abeebembezi b'abantu be yabaiha omu nyanja ali nkaha? Ali nkaha ogu ayahaire musa Mwoyo we?

¹²Ali nkaha ogu ayakoleze Musa ebintu ebihuuniriza, ayabaganiize amaizi g'enyanja, yayambura abantu amaizi amaingi, nukwo ayetungire okurangaanwa okwa buli na buli?

¹³N'oha ayabambwire enyanja ataina bulemeezi, nk'embaraasi oku eraba omu irungu? Bateesitale.

¹⁴Mwoyo wa MUKAMA akabahuumuza, nk'ente ezirukusirimuka omu kihanga. Habweki, niwe wayebembiire abantu bawe, nukwo oyetungire ery'ekitiinisa.

¹⁵Oyeme omwiguru, omukiikaro kyawe ekirukwera kandi eky'ekitiinisa, orole hansi okutuntuura kwawe kuraha? Obusobozi bwawe buraha? Engonzi n'embabazi zawe, biraha? Leka kutwihaho omutima.

¹⁶Habwokuba, niiwe Isiitwe, noobwakubaire Abburahamu tatumanyire, Isirairi noobu araaba atarukutwikiriza; Iwe MUKAMA niiwe Isiitwe, niiwe watucungwire okuruga kara na kara.

¹⁷Ai MUKAMA, habwaki otuhabisa emihanda yawe, n'okutugumanganiza omutima, tukalema kukutiina? Garuka habw'abairu bawe, habw'enganda ez'obugwetwa bwawe.

¹⁸Itwe abantu bawe abarukwera, abanyanzigwa baitu bakatubinga okumara omwanya muke; baarubaatiira ekiikaro kyawe ekirukwera.

¹⁹Nootukora nk'atakabaga mulemi waitu, nkabatakabahoga bantu bawe.