Read Runyoro - rutooro Is 7 Bible Online

Is 7 - Runyoro - rutooro bible

Is 7

¹Omu bulemi bw'Ahazi mutabani wa Yosamu, mwijukuru wa Huliya omukama wa Yuda, Rrezini omukama wa Siriya, na Peeka mutabani wa Rremalia omukama wa Isirairi bakaseesera Yerusaalemu, baitu batasobole kurusingura.

²Ab'omunju ya Daudi obu bamanyisiibwe ngu Siriya eyeteeraniize na Efuraimu, Daudi hamu n'abantu be, baatukumira, nkooku orora emiti neetukumizibwa omuyaga.

³MUKAMA nukwo kugambira Isaaya ati: “Irooko ogende na mutabani wawe Seyara-Yasubu, mwitirane Ahazi, nimwija kumusanga haruguudo nambere abakozi b'engoye bakorra, omukura ogunyakwiha amaizi omu kiyanja eky'eruguru nambere gugarukira.

⁴Omugambire oti: ‘Oyerinde, oculeere, otatiina, oleke kucwekwa enkizi. Ekiniga ky'omukama Rrezini n'Abasiriya, n'eky'omukama Peeka, tikirikukora kubi, okukira omwika ogurukuruga omu bicweka bibiri eby'omuti ogwomere ebirukujundeera.

⁵Habwokuba, Siriya n'Efuraimu bacikire kukukora kubi. Bagambire bati:

⁶Turamagire orubuga Yuda, turutiinise, tururwanise turusingule, turwetungire, hagati yarwo tutemu Taberi nuwe abe mukama.”

⁷Baitu MUKAMA naagamba ati: Eki tikiribaho, kandi tikirihikirra.

⁸Habwokuba omutwe gwa Siriya ni Damasiko kandi omutwe gwa Damasiko ni Rrezini. (Omu kasumi ak'emyaka nkaaga n'etaano, Efuraimu ericwibwa ebicweka okuruga obu, terigaruka kwetwa ihanga.)

⁹Omutwe gw'Efuraimu, ni Samaliya, kandi omutwe gwa Samaliya ni mutabani wa Rremaliya, baitu obu mutaligumira hali nyowe, timuliguma naakake.’

¹⁰MUKAMA akagaruka yagambira Ahazi ati:

¹¹“Osabe MUKAMA Ruhanga wawe akuhe akarorwaho. Akarorwaho ako, karuge okuzimu omba Nyabuyonga rundi karuge omwiguru.”

¹²Baitu Ahazi yagarukamu ati: “Tindukwija kusaba kandi tindukwija kulengesa MUKAMA.”

¹³Eki, Isaaya yakigarukamu ati: “Iwe enju ya Daudi, hurra! Nikibanguhira kujwahya abantu baitu, nimugira ngu kirabanguhira kujwahya na Ruhanga wange?

¹⁴Habweki, MUKAMA wonyini naija kubaha akarorwaho. Akarorwaho ako, nuko kanu: omwisiki empikiirre, naija kutwara enda azaale omwana omwojo, amuruke ibara Ruhanga ali na itwe.

¹⁵Araalyaga amagita n'obwoki bw'enjoki okuhika obu alikamanya kwanga ekibi n'okwegombooza ekirungi.

¹⁶Habwokuba omwana ogu obu aliba atakamanyire kwanga ekibi n'okwegombooza ekirungi, ensi ey'abakama ababiri ab'orukutiina, eriba kifuruka.

¹⁷MUKAMA naija kukuleetera, aleetere abantu bawe n'enju y'omukama yoona, ebiro eby'omuhito ogurukukira yoona eyerabaireho, okuruga obukama bwa Isirairi obu bwayahukaine ha bwa Yuda alireeta omukama w'Asiriya.”

¹⁸Ha kiro eki, MUKAMA aliteerra orusulizo ensohera enyakuli ha nsoro z'ebisaaru bya Misiri, n'orujoki orunyakuli munsi ya Asiriya.

¹⁹Boona baliija baikale omu bihanga ebihamire, n'omunyatika ez'emyandara, ha mahwa n'omu maliisizo goona.

²⁰Ha kiro eki, MUKAMA alyeta omusazi wisoke aruge obuseeri bw'ekisaaru Efuraate nuwe omulemi mukama w'Asiriya. Abamwe emireju n'isoke, n'obwoya bwona obwa ha mibiri yanyu.

²¹Omu kasumi ako, omuntu alitunga ente ezigija emu n'entaama ibiri;

²²baitu habw'amata amaingi muno aga ziraakamwaga, araalyaga amagita; habwokuba buli muntu weena ow'aliba asigaire omunsi, alirya amagita n'obwoki bw'enjoki.

²³Omu kasumi ako, ekiikaro kyona ekikaba kirumu emizabbibbu rukumi erukugurwa ebicweka by'efeeza rukumi, erifooka makerre n'obukwatango.

²⁴Abantu baraagendayoga kuhiiga baina obuta n'emyambi, habwokuba ensi yoona eriba emazirweho amakerre n'amahwa.

²⁵Kandi obusozi bwona obwalimwaga n'enfuka, toligaruka kugendayo, habw'okutiina amakerre n'amahwa; leero bulifooka kiikaro ekiraasindikwamuga ente, ekiraayeteegerwamuga, ekiraayetendigirwamuga.