Read Runyoro - rutooro Yer 11 Bible Online

Yer 11 - Runyoro - rutooro bible

Yer 11

¹MUKAMA akagambira Yeremiya ati:

²“Muhurre ebigambo ebinyakuli omu ndagaano enu, kandi mubigambire abantu ba Yuda n'abasi ba Yerusaalemu.

³Mubagambire muti, MUKAMA Ruhanga owa Isirairi naagamba ati: Akyenwe omuntu atata omutima habigambo eby'endagaano enu,

⁴ei naragiire baisenkuru inywe nimbaiha omunsi Misiri, omu kikoomi eky'ekyoma ningamba nti, mumpurre kandi mukole byona ebi ndukubaragira! Obu nubwo muliba bantu bange, na nyowe mbe Ruhanga wanyu;

⁵nukwo mpikirize endagaano enu ei naragaine na baisenkuru inywe ningamba nti, ndibaha ensi erukugera amata n'obwoki nkookukiri hati.” Nyowe nukwo kugarukamu nti, MUKAMA “Nukwo kibe kiti.”

⁶MUKAMA, kandi yangambira ati, “Ebigambo binu byona, obirangirre omu mbuga za Yuda, n'omu makuute ga Yerusaalemu oti: Muhurre ebigambo eby'endagaano enu, kandi mubihikirize.

⁷Habwokuba okuruga ha kiro eki naihiireho baisenkuru inywe omunsi Misiri, okuhika na ha kiro kinu ntaaha nimbatereerra obutaleka nti, mumpurrege.

⁸Baitu batahurre kandi batateho mutima, buli omu akagendera hakugumangana okw'omutima gwe omubi. Nubwo nabagambiire ebigambo byona eby'Endagaano enu nabaragira kubikwata baitu batabikwate.”

⁹MUKAMA akongera yangambira ati, “Abantu ba Yuda n'abasi ba Yerusaalemu, nibacika kunyemera.

¹⁰Bagarukire omu bubi obwa baisenkurubo abaayangire kukwata ebigambo byange; bakuraatire embandwa nubo baheereze; enju ya Isirairi n'eya Yuda, gacwire endagaano yange ei naragaine na baisenkurubo.

¹¹Hati nu, MUKAMA naagamba ati, ninyija kubaleetera akabi akabatalisobora kutabuka; noobu balinterra omuranga tindibahurra.

¹²Hanyuma, embuga za Yuda n'abasi ba Yerusaalemu, embandwa ezi bacumiikirra obubbaani, nizo baligenda baterre omuranga, baitu obu baliba bali omu kabi, tibalisobora kubajuna.

¹³Eky'ensoni, iwe Yuda, embandwa zaawe nyingi nizingana embuga zawe; kandi amatambiro aga wayombekere kucumikirirraho Baali obubbaani, nago maingi nigaingana amakuute ga Yerusaalemu. Iwe Yeremiya otansaba kandi otangamba ekigambo

¹⁴habw'abantu banu, habwokuba obu baliba bali omu kabi bakanyeta, tindibahurra.

¹⁵Enganzi yange obu araaba akozire ebintu ebibi, omunju yange aba akyainamu busobozi ki? Ebiragaano n'enyama ey'ekyonzira bisobora kukwihaho omusango? Habweki osobora kwesiima?

¹⁶Ira, MUKAMA akakweta, ‘Omuti gw'Oliva omubisi, omurungi kandi ogunyakwina ebijuma ebirungi;’ baitu naija kuguhembaho omurro, aimukye ekiyaga, amataagi gagwo gasiiriire.

¹⁷MUKAMA ow'amahe ayakubyaire, habw'ebibi eby'enju ya Isirairi n'eya Yuda ebi baakozire baamubiihiza nibatambira Baali ebyonzira, akubalizeeho akabi.”

¹⁸Baitu iwe MUKAMA, niwe wakimmanyisize, na nyowe namanya; hanyuma wanyoleka ebikorwa byabo ebibi.

¹⁹Baitu nyowe nkaba ninsisana nk'akataama akaculeezi akarukutwarwa omu ibaagiro. Ntamanye nkooku ali ninyowe bakaba nibategeka kukora ebintu ebibi, nibagamba bati, “Omuti tuguhwerekereze n'ebijuma byagwo, Tumwite aruge omunsi ey'aboomeezi, ibara lye nukwo lireke kugaruka kwijukwa.”

²⁰Baitu iwe Ai MUKAMA ow'amahe, anyakucwa omu bwinganiza, anyakwekebiija omutima n'ebiteekerezo, onyoleke nkooku orukubahoora enzigu, habwokuba niiwe nakwasize ebigambo byange.

²¹Abantu ab'Anatosi abarukugonza kukwita kandi abarukugamba bati, “Otaranga omu ibara lyange, obu oraaranga nitwija kukwita,”

²²MUKAMA nikyo arukubagambiraho ati: Ninyija kubafubira; abasigazi baliitwa empirima; batabani baabu na bahara baabu baliitwa enjara;

²³hali bo, tihalibaho n'omu asigaraho. Habwokuba abantu b'Anatosi omumwaka ogw'okufubirwa kwabo nubwo ndibaleetera akabi.