Read Runyoro - rutooro Yer 13 Bible Online

Yer 13 - Runyoro - rutooro bible

Yer 13

¹MUKAMA akangambira ati, “Genda ogule omutanda gwa sema ogwezirige baitu otaligwibika omu maizi.”

²Na nyowe nukwo kugura omutanda MUKAMA nkooku yangambiire nagweteega.

³Kandi MUKAMA akangambira obwakabiri ati,

⁴“Okwate omutanda ogu oguwaguzire oyezirigire, oimuke ogende ha kisaaru Efuraate ogusereke omu rwatika rw'omwandara.”

⁵Nanyowe nukwo kugenda, kugusereka haihi n'Ekisaaru Efuraate, MUKAMA nkooku yangambiire.

⁶Obu haahingwireho ebiro bingi, MUKAMA yangambira ati, “Imuka ogende ha kisaaru Efuraate, oiheyo omweko ogu nakuragiire kuserekayo.”

⁷Nanyowe nukwo kugenda ha kisaaru Efuraate, nalima, naiha omutanda omu kiikaro eki naguserekeremu. Kwija kurora, omutanda gukasiisikara ira; gutakyaina mugaso.

⁸MUKAMA nukwo kungambira ati:

⁹“MUKAMA naagamba ati: Emyehembo ya Yuda n'eya Yerusaalemu etagambwa nukwo ndukwija kugimaraho nti.

¹⁰Abantu ababi banu, abarukwanga kukwata ebigambo byange, abarukuhondera ebiteekerezo by'emitima yabu bagumangaine abarukukuraatira embandwa nizo kuheereza n'okuramya, balisisana nk'omutanda ogu ogutaina mugaso.

¹¹MUKAMA n'agamba ati, omutanda nkooku gukwatira omu kibero ky'omuntu, enju ya Isirairi yoona n'eya Yuda, nukwo nabaragiire kungumiraho bati, babe bantu bange, bampaise ekitiinisa, kukugizibwa, n'okunyumizibwa, baitu nabo batahurre.

¹²“Obagambire ekigambo kinu oti. MUKAMA Ruhanga owa Isirairi naagamba ati, ‘Buli munaga guliijuzibwa eviini.’ Balikukaguza bati, ‘Mazimakwo itwe titumanyire buli nsoha nkooku eriijuzibwa eviini?’

¹³Nubwo obagambire oti, ‘MUKAMA naagamba ati: Abasi b'ensi enu, ndibatamiiriza kimu, nubo banu: abakama abanyakusinga ha kitebe kya Daudi, banyakatagara, abarangi, n'abasi ba Yerusaalemu boona.

¹⁴MUKAMA naagamba ati, ndibahuumizangana, baise baana mbahuumizangane n'abaana baabu. Tindiganyira, tindisigaho kandi tindikwatwa embabazi ezirintanga kubahwerekereza.’ ”

¹⁵Muhurre kandi mutege amatu; muleke kwehemba; habwokuba MUKAMA nuwe abalize.

¹⁶Muhe MUKAMA Ruhanga wanyu ekitiinisa, atakaleesire omwirima, mutakeesiitaliire hansozi nambere obwire bwasa kwira, kandi obu muraaba nimukyaserra ekyererezi akakifoora kizima, akakifoorra kimu mwirima kasira.

¹⁷Obu mutaahurre, omwoyo gwange gulisinda omunsita habw'emyekuliirizo yanyu; ndirra muno amaiso gange gaijule amaizi habwokuba igana lya MUKAMA linyagirwe.

¹⁸Ogambire omukama na nyin'omukama oti: “Mwebundaaze, habwokuba ekondo yanyu enungi ebarugire ha mutwe.”

¹⁹Embuga za Negebbu zikingirwe, busaho n'omu ow'okwikingura; Yuda yoona ezahisiibwe, ezahiire kimu.

²⁰Munage amaiso murole abo abarukuruga ha bukiizi bw'emoso. Igana eri wahairwe, igana lyawe nyaburungi liri nkaha?

²¹Abantu aba wayetaga banywani bawe obu balikusingura bakakulema, oligamba ki? Tolirumwa ebisa nk'eby'omukazi arukurumwa kuzaara?

²²Obu oraaba nooyekaguza oti, habwaki ebintu binu byona bigwera nyowe? Habwokuba, ebyokujwara byawe babikujwiremu baakuhamba, habwokuba ekibi kyawe kikooto muno.

²³Omwesopiya asobora kuhindura omubiri gwe, rundi engo esobora kuhindura amatorogondo gaayo? Eki obu kiraaba nikisoboka, buli nainywe abatakora kintu na kimu ekirungi okwihaho ebibi byonka, musobora kwega kukora ebirungi.

²⁴Ndibararangya nk'omusunga gunyakuhuuhurwa omuyaga ogw'omwirungu.

²⁵MUKAMA naagamba ati, eki nikyo kyakuteekaniriziibwe, nugwo omugabo ogu nakulengiire, habwokuba okanyebwa wayesiga ebisuba.

²⁶Nyowe nyenka, ndiimukya ebyokujwara byawe mbikusweke ha maiso, abantu nukwo bakurole enjuuro, okwatwe ensoni.

²⁷Nkarora ebintu ebibi ebi wakozire nkarora obusiihani bwawe nahurra n'okwamuza kwawe, orwanju rwawe orwa hansozi n'orw'omu iswa. Olikibona iwe Yerusaalemu! Iwe olyeera di na iwe okasemera?