Read Runyoro - rutooro Yer 28 Bible Online

Yer 28 - Runyoro - rutooro bible

Yer 28

¹Omu mwaka ogu gwonyini, Zedekiya omukama wa Yuda naatandika kulema, omukwezi okwa kataano omu mwaka ogwa kana, Hananiya mutabani w'Azuura omurangi ayarugire Gibbyoni, akangambirra omunju ya MUKAMA, omumaiso ga banyakatagara n'abantu boona ati,

²MUKAMA ow'amahe Ruhanga owa Isirairi naagamba ati: Ekikoligo ky'omukama wa Bbabbulooni nkicwiire.

³Emyaka ebiri etakahoire ebikwato by'Enju ya MUKAMA byona Nebbukadaneza omukama wa Bbabbulooni ebi yaihire omukiikaro kinu yabitwara Bbabbulooni ninyija kubigarra omukiikaro kinu.

⁴MUKAMA naagamba ati, Yekoniya mutabani wa Yehoyakimu omukama wa Yuda, n'enzaahisibwa abandi abaihirwe Yuda baatwarwa Bbabbulooni, nabo ninyija kubagarra omu kiikaro kinu, habwokuba ekikoligo ky'omukama wa Bbabbulooni, ninyija kukicwa.

⁵Yeremiya omurangi, nubwo yabalize na Hananiya omurangi omumaiso g'abanyakatagara n'abantu boona abakaba beemeriire omunju ya MUKAMA;

⁶Yeremiya omurangi yagamba ati, “Ego! MUKAMA naakakikole; MUKAMA naakahikirize byona ebi warangire, naakaihe Bbabbulooni ebikwato by'Enju ya MUKAMA n'enzaahisibwa zoona akabagarra omu kiikaro kinu.

⁷Baitu hati, ohurre ekigambo kinu eki ndukukugambira kandi eki ndukugambira abantu boona.

⁸Ira muno abarangi abaayebembiire iwe na nyowe ira muno bakaranga ngu amahanga n'amakama ag'ekitiinisa galicwekerwa obulemu, kandi galigwerwa kiihe na kagingo.

⁹Baitu omurangi ogu arukuranga obusinge, ekigambo kye obu kirihikirra, aho nuho kirimanyirwa, nkooku yatumirwe kwo MUKAMA.”

¹⁰Hananiya omurangi, nubwo yajwiire Yeremiya omurangi ebihongozo eby'ekikoligo yabicwa.

¹¹Hananiya yabaza omumaiso g'abantu boona ati “MUKAMA naagamba ati: Emyaka ebiri etakahoireho, ekikoligo kya Nebbukadaneza omukama wa Bbabbulooni nukwo ndukwija kukicwa nti, nkijuule amahanga goona.” Baitu Yeremiya omurangi, yakwata omuhanda gwe yagenda.

¹²Obu haahingwiireho akasumi, Hananiya omurangi amazire kujuura Yeremiya omurangi ebihongozo eby'ekikoligo, MUKAMA akagambira Yeremiya ati:

¹³“Genda ogambire Hananiya oti, MUKAMA naagamba ati: Iwe ocwiire ebihongozo by'emiti, baitu nyowe omu kiikaro kyabyo, ninyija kutamu ebihongozo eby'ekyoma.

¹⁴Habwokuba MUKAMA ow'amahe Ruhanga owa Isirairi naagamba ati: Amahanga ganu goona, ngataireho ekikoligo eky'ekyoma eky'obwiru, galemwe Nebbukadaneza omukama wa Bbabbulooni, habwokuba, noobwakubaire ebisoro eby'omu kisaka mbimuhaire.”

¹⁵Yeremiya omurangi yagambira Hananiya omurangi ati, “Hananiya hurra, MUKAMA atakutume, abantu okabaleetera kunihira ebisuba.

¹⁶Habweki, MUKAMA naagamba ati: ‘Ninyija kukwiha omunsi. Omwaka gunu gwonka, noija kugufeeramu, habwokuba okaranga kwemera MUKAMA.’ ”

¹⁷Omu mwaka ogu gwonyini omu kwezi kwa musanju, Hananiya omurangi yafa.