Read Runyoro - rutooro Emp 5 Bible Online

Emp 5 - Runyoro - rutooro bible

Emp 5

¹Ai MUKAMA, oijuke ekyatugweriire; orole oyetegereze, nkooku turukuhemurwa!

²Obugwetwa bwaitu bukaheebwa abaanyamahanga, amaka gaitu gaatwarwa abasuuhuuki.

³Tufookere nfuuzi, abatagira baisebo; banyinaitwe nibasisana abafaakati.

⁴Amaizi agaitu nyabwaitu agaturukunywa, nitugagura, enku zaitu nyabwaitu, na zo nituziguza.

⁵Nitucumirizibwa muno, kunu ekikoligo kituli omu bikya; tujwahire, titwina kihuumuro.

⁶Tukeehongera Abanyamisiri n'Abaasiriya nukwo tulye twigute.

⁷Baisenkurwitwe bakasiisa, kandi tibakiikaire; hati itwe nitubonabonesibwa habw'ebibi byabo.

⁸Abairurubaale nubo barukutulema busaho muntu n'omu asobora kubatujuna.

⁹Habw'empirima ezinyakuli omwirungu, ebyokulya ebi turukulya, nitubiiha omba nkabanfiire.

¹⁰Enjara etwimukizeemu omurro gw'omuswija, emibiri yaitu etuumire nk'ekyooto.

¹¹Abakazi bahambiirwe omu Siyoni, abaisiki empikiirre, omu mbuga za Yuda.

¹²Abeebembezi baitu, bakakwatwa baahanikwa; abantu baitu abakuru, tibarukuheebwa kitiinisa.

¹³Abasigazi, nibahambirizibwa kusa engano nk'abairu, aboojo beetwekere ebiba by'enku ebirukubataratarukya.

¹⁴Abagurusi, irembo ly'orubuga bakalirugamu, abasigazi, ebizina bakabihwaho.

¹⁵Emitima yaitu tekyarumu muhimbo; itwe abaikaraga, nitucekeca hati nitwikara niturra.

¹⁶Ekondo eturugire ha mutwe yagwa; tulikibona, habwokuba tukasiisa!

¹⁷Eki, nikyo kirukutusaaliza omutima, ebi nibyo birukutuliza, habw'amaizi ag'omumaiso gaitu, tukalema kuhweza.

¹⁸Habwokuba, orusozi Siyoni ekifuruka, eboha nuho ziikara nizironzaronza.

¹⁹Baitu iwe, Ai MUKAMA, oikara ohangiriize ebiro n'ebiro; olirema ebiro byona.

²⁰Habwaki, otweberwa kimu oti, habwaki otunagaija akasumi ako koona?

²¹Ai MUKAMA, twegarurre, nukwo tugaruke! Nkooku wakozire ira, otwongere ebiro ebindi!

²²Obu otaatwegarurre, nukwo kugamba, okatunagira kimu? Okatukwatirwa ekiniga ekihinguraine?