Read Runyoro - rutooro Ezek 13 Bible Online

Ezek 13 - Runyoro - rutooro bible

Ezek 13

¹MUKAMA akangambira ati:

²“Iwe omwana w'omuntu, ranga ebirigwera abarangi ba Isirairi, ranga, kandi ogambire abo abanyakuranga ebi barukwecwa bonka oti: ‘Muhurre MUKAMA eki arukugamba!’

³MUKAMA naagamba ati: Balikibona, abarangi abadoma, abarukukuratira omwoyo gwabo ebi gubagambira, kandi kunu tibaina ebi baboine.

⁴Iwe Isirairi, Abarangi bawe, bakasisana nk'eboha ezinyakuli omu bikamburo.

⁵Tibalinda biikaro nambere ebisiika byasiisikaire, kandi tibaimukya buhyaka ebisiika ebi habweki, obulemu obu bulicweka ha kiro MUKAMA eky'aliiziraho Isirairi talisobora kujunwa.

⁶Bakabaza ebisuba kandi bakaranga ebitali by'amazima; nibagamba ngu: ‘MUKAMA noobu aliba atarabatumire, nabwo nibamwesiga, naija kuhikiriza ebi barukugamba.’

⁷MUKAMA naagamba ati: Akasumi koona aka mwagambiiremu ngu: MUKAMA naagamba ati: kandi kunu ntaina eki ngambire, obu mutarole eby'ebisuba kandi mutarange ebitali by'amazima?”

⁸Nikyo MUKAMA arukugambira ati: “Habwokuba mukabiiha ebisuba, kandi mukarora ebitali by'amazima, hati nyeteekaniize kubarwanisa, ebi nibyo MUKAMA arukugamba.

⁹Ninyija kurwanisa abarangi abaarozire ebitali by'amazima, kandi abaarangire ebitali by'amazima; tibaliikirizibwa omu rukurato orw'abantu bange, amabara gaabo tigalitaahibwa omu kitabu eky'enju ya Isirairi, kandi tibalirubata omunsi ya Isirairi: obu nubwo mulimanya nkooku ndi MUKAMA Ruhanga.

¹⁰Habwokuba mazimakwo, bakahabisa abantu bange nibagamba bati: ‘Haroho obusinge’, kandi kunu obusinge tiburoho; kandi habwokuba abantu obu bombeka ekisiika, abarangi abo bakiteera inoni;

¹¹abo abaakitiire inoni, obagambire oti: Haligwa enjura enyingi muno, hagwe orubaale, kandi haliteera ihunga, ekisiika eki kigwe.

¹²Ekisiika eki obu kirigwa, abantu boona balibakaguza bati: ‘Kandi inoni lyanyu mwataireho, likagasaki?’

¹³Nikyo MUKAMA Ruhanga arukugambira ati: habw'ekiniga, ndiimukya ihunga; habw'okubiihirwa, ndinaga enjura nyingi n'orubaale orutagambwa rucwacwane ekisiika.

¹⁴Ekisiika eki mwatiire inoni, ninyija kukiseesa, nkisaasangule; kandi obu kirigwa, na inywe muligenderanamu; obu nubwo mulimanya nkooku ndi MUKAMA.

¹⁵Ekiniga kyange, ninyija kukimarra ha kisiika, na hali abo abaakitiire inoni; nubwo ndibagambira nti: ekisiika tikikyaroho, n'abo abaakitiire inoni tibakyaroho,

¹⁶nubo abarangi aba Isirairi abaarangire hali Yerusaalemu, kandi abaagiroliire obusinge, kandi kunu obusinge bukaba butaroho, ebi MUKAMA Ruhanga nibyo arukugamba.

¹⁷“Iwe mwana w'omuntu, orolerre bahara b'abantu bawe, abanyakuranga ebi barukwehangahanga bonka; ranga ebiribagwera,

¹⁸obagambire oti: MUKAMA Ruhanga naagamba ati: Balikibona abakazi abanyakwebazirra ebikoba by'engisa, bakabijwara ha bujwarro bw'enkwanzi, abanyakubaziira n'ebitambaara, abantu aba buli kyemo ebi bajwara ha mitwe, nukwo bahiige obwomeezi bw'abantu mulihiiga, obwomeezi bw'abantu bange abandi mubaleke bali boomeezi, habwokubagasira?

¹⁹Mukankwasa ensoni omumaiso g'abantu bange, babahe orucumite rwa baali n'obucweka bw'emigaati, mwaita abantu abatasemeriire kwitwa, kandi mwaleka abanyakusemeriire kwitwa, nimubiihabiiha abantu abanyakwikiriza ebisuba.

²⁰“Nikyo MUKAMA Ruhanga arukugambira ati: Engisa ezi mwekoonyeza nimulengaho okwita n'okwomeeza, tindukuzenda, ninyija kubibacwa ha mikono, ntaisule abantu aba mubaire nimulema.

²¹Ebitambaara byanyu ebya ha mitwe, nabyo ninyija kubitemura, nukwo mbaiheho abantu bange, muleke kugaruka kubabonesa.

²²Habwokuba, mukaterebura n'obucwangya omuntu omurungi, kandi kunu nyowe ntamuterebwire, kandi omubi mukamugumya omu bubi bwe, abwikalemu, alemwe kujuna obwomeezi bwe.

²³Habweki, ebigambo byanyu eby'ebisuba n'okuranga kwanyu okurukuhabisa, bigarukiire aho, abantu bange ninyija kubabaihaho nubwo mulimanya nkooku ndi MUKAMA.”