Read Runyoro - rutooro Ezek 19 Bible Online

Ezek 19 - Runyoro - rutooro bible

Ezek 19

¹Kandi oterre omuranga abanyoro ba Isirairi

²ogambe oti: Nyoko akaba ali mukazi manzi! Akaba ali nk'entale ebuguma eyabundaaraga hagati omu ntale enimi ensigazi, ekakulizaamu obwana bwayo.

³Ebuguma egi, ekakuza akamu ha bwana bwayo, kaakura kafooka ntale enimi ensigazi, yayega kuhiiga ebisoro ebyokulya; yatandika kulya n'abantu.

⁴Amahanga gaagiterra enduuru, baagikorra omuhiigo; baagikwatira omu buhya bwabo; baagireesa amarobo baagihikya omunsi Misiri.

⁵Entale ebuguma obu yaboine esobiirwe, ehoire amasiko, yakwata akaana akandi ha bwana bwayo, nako yakakuza, kaafooka ntale enimi ensigazi.

⁶Obu yamazire kukura, yatandika kuhiiga n'entale ezindi, yalya abantu.

⁷Yaseesa ebigo byabo yahwerekereza embuga zaabo; ensi, n'abantu boona abakaba bagirumu obu baagihuliire nebbuukura, baatiina muno.

⁸Amahanga nukwo kugitega emitego embaju zoona; baagitega ekitimba; baagikwatira omu buhya bwabo.

⁹Baagihimbisa amarobo baagita omu kijonjoro, baagireetera omukama wa Bbabbulooni; baagita omu nkomo, ereke kugaruka kugambira hansozi za Isirairi.

¹⁰Nyoko akaba naasisa nk'omuzabbibbu, ogubyairwe omu musiri gw'emizabbibbu, ogwaihurwirwe gwabyarwa haihi n'amaizi, gwayana ebijuma, gwanaga amataagi, habwokuba haihi n'amaizi amaingi.

¹¹Empinju yagwo erukukirra kimu kuguma, ekafooka mwigo gw'omulemi; gukaraiha muno, okugarukira ha bicu, abantu boona baagurora nkooku gujumbire, kandi guraihire.

¹²Baitu abantu ab'ekiniga, bakagumenyera kimu n'emihama, baagunaga hansi, omuyaga ogw'obukiizi obw'emoso gwagwomya, ebijuma byagwo byanogwaho, empinju yagwo ey'amaani yayoma, omurro gwagyokya yasiiriira.

¹³Hati, gwihurwirwe gwabyarwa omwirungu, omunsi enyakwomere kandi etarumu twizi.

¹⁴Omurro gurugire omu kicweka ekya hagati, gumazire amataagi n'ebijuma, nukwo haleke kusigaraho empinju ey'amaani, haleke kusigaraho omwigo ogukwatwa omulemi. Ogu nugwo omuranga, kandi gukabakwo muranga.