Read Runyoro - rutooro Ezek 24 Bible Online

Ezek 24 - Runyoro - rutooro bible

Ezek 24

¹Ha kiro ekya ikumi eky'okwezi okwa ikumi okw'omwaka ogwa mwenda, MUKAMA akangambira ati:

²“Wewe mwana w'omuntu, handiika ekiro kya hati kinu. Kiro kinu kyonyini, omukama wa Bbabbulooni, nikyo agotiireho Yerusaalemu.

³Kandi oganikize abantu ab'enju, egi eyayemere, obagambire oti: Teekaho ekinaga, teekaho bwango, okiseesemu amaizi;

⁴okitemu eminofa y'enyama emyanya emirungi yoona: ekirumbu n'omukono; okiijuzeemu amagufa amarungi aganyakuroho enyama.

⁵Omu igana ery'entaama oihemu emu erukukira zoona oburungi, ogicumikirre; ogicumbe emyanya. Nayo ogicumbiranemu amagufa gaayo.”

⁶Nikyo MUKAMA arukugambira ati: “Rulikibona orubuga oru kaita bantu, kirikibona ekinaga eki ekinyakurumu obumomi ekyayangiirwemu obumomi! Kiihemu emyanya y'enyana yoona otarukusoroora.

⁷Habwokuba esagama ei rwaseesire nekyaruruma; habwokuba rukagiseesa ha mwandara ogutaroho kantu, rutagiseese ha itaka rugiswekereze ecuucu.

⁸Okwemara ekiniga n'okuhoora enzigu, esagama ei rwaseesire, nikyo ngiteerire ha mwandara ogutaroho kantu, nukwo erorwe boona

⁹MUKAMA nikyo arukugambira ati: Rulikibona orubuga oru orwaisire abantu! Na nyowe, nyeteekaniize kutuuma entuumo.

¹⁰Mpingikeho, enku, mpembe omurro, ncumbe enyama ehye, nyihemu omucwe, amagufa ngaleke gasiiriire.

¹¹Hanyuma nkite ha manda kitarumu kantu, nukwo kituume kyenge, omulinga gwakyo gusiiriire, oburofu bwakyo nukwo bwage, obumomi bwakyo buhwemu.

¹²Nkejwahiza busa, omurro tigusobora kukiihamu obumomi bwakyo oburukwingana aho.

¹³Obumomi bwakyo, nurwo orwanju rwawe orutagambwa. Habwokuba naakubaire nkusemiize, baitu okalemera omu burofu bwawe, kandi olibwikaramu okuhika obu ndikakwemarraho ekiniga.

¹⁴Eki, nyowe MUKAMA ninyowe nkigambire, kirihikirra ndikikora; tindigaruka nyuma, tindiganyira kandi tindyeijukya. MUKAMA naagamba ati: Ndikucwera omusango, nindorra ha ngeso na ha bikorwa byawe.”

¹⁵MUKAMA akongera yangambira ati:

¹⁶“Wewe mwana w'omuntu ninyija kuteera omwigo gumu gwonka, nkwiheho omuntu owogonza muno; kyonka, otaganya, kandi otalirra amaizi gakakuruga omumaiso.

¹⁷Sindira omu mutima; oleke kuteera empamo. Jwara ekitambaara ha mutwe, ojwale n'enkaito; oteeswekerra omunwa kandi otalya ebyokulya ebirukuliibwa abarukugaragara.”

¹⁸Eki, nkakigambira abantu omu bwire bwa nyenkya, kandi omu kairirizi, mukazi wange yafa. Nyenkya obu bwakiire, nakora nkooku naragiirwe.

¹⁹Abantu bakankaguza bati: “Totugambira ebintu ebi, ebi orukukora oti, eki birukutumanyisa?”

²⁰Nubwo nabagarukiremu nti: MUKAMA akangambira ati: Gambira nju ya Isirairi oti: “MUKAMA naagamba ati:

²¹Gambira nju ya Isirairi oti: MUKAMA naagamba ati: ‘Ninyija kusiisa ekiikaro kyange ekirukwera, ekibaleetera okwenyumiza nkooku muli b'obusobozi, eki murora mutarukwenda kwihaho maiso, kandi ekyabaliiremu omutima; batabani banyu na bahara banyu aba mwasigire enyuma, baliitwa empirima.

²²Kandi nainywe mulikora nkooku nkozire; mutalyeswekerra omunwa kandi mutalirya ebyokulya ebirukuliibwa abarukugaragara.

²³Mujwale ebitambaara ha mitwe n'enkaito omu maguru; mutaliganya kandi mutalirra, kyonka mulyanuka habw'obubi bwanyu kandi muliikara nimusinda.

²⁴Ezekyeri nukwo aliba ati karorwaho hali inywe; nkooku yakakozire, nainywe nukwo mukole. Eki obu kiribaho, nubwo mulimanya nkooku ndi MUKAMA Ruhanga.’

²⁵“MUKAMA akagamba ati: Wewe mwana w'omuntu, ha kiro eki ndibaihiraho kigo kyabo, okusemererwa n'ekitiinisa, eki ndibaihiraho ebisemeza amaiso gaabo kandi ebyabaliiremu omutima, eki ndibaihiraho batabani baabo na bahara baabo,

²⁶ha kiro eki, omuntu ow'aliba akizire obulemu, alikuhikaho akumanyise amakuru.

²⁷Ha kiro eki, kyonyini, oligaruka obaze nkooku wakabazaaga kara olibaza nawe. Nukwo oliba karorwaho oti ha bantu, kandi nubwo balimanya nkooku ndi MUKAMA.”