Read Runyoro - rutooro Ezek 41 Bible Online

Ezek 41 - Runyoro - rutooro bible

Ezek 41

¹Hanyuma yantwara omu kiikaro Ekirukwera, omu kicweka ekya hagati yalenga emikumirro eya ha mbaju zombi emikumirro egi, ekahikya mita isatu.

²Kandi obugazi bw'omulyango, bukahika mita itano; ebisiika eby'omulyango ebya ha rubaju, bikahikya mita ibiri n'ekicweka; kandi yalenga obura n'obugazi obw'omwanya ogwahagati, gwahika mita makumi abiri n'obugazi mita ikumi.

³Hanyuma yagenda omu kisiika eky'omunda, yalenga emikumirro ey'omulyango, yahikya mita emu; obugazi bw'omulyango mita isatu; kandi ebisiika eby'omulyango ebya ha rubaju mita isatu n'ekicweka.

⁴Yalenga ekisiika kyonyini, ekikaba kiri enyuma y'ekisiika ekya hagati, kyahikya mita ikumi. Nubwo yangambira ati: “Kinu nikyo Ekiikaro Ekirukwera okukirra kimu byona.”

⁵Hanyuma yalenga omugoma gw'ekisiika eky'Enju ya Ruhanga, gwahikya mita isatu; kandi obugazi obw'ekisiika ebya ha rubaju okugyehinguliriza, gwahika mita ibiri.

⁶Ebisiika ebya ha rubaju, bikaba biri omu kainasatu, ekimu kiri eruguru y'ekindi buli kainaabiri erumu ebisiika amakumi asatu. Ekisiika eky'Enju ya Ruhanga eky'aheeru ekya hansi, kikaba kiina omukoba muke, okukira ekindi ekiri hansi yakyo, ebisiika ebindi nukwo bikihuumurreho, bitakyombekiirwemu.

⁷Ebisiika ebya ha rubaju, okuruga ha kainaabiri emu okuhikaho endi bikagenda nibyeyongera obugazi, byainganaingana obugazi bw'omwanya okuruga ha kainabiri emu okuhikaho endi, okwehinguliriza Enju ya Ruhanga; ha rubaju rw'enju egi, hakaba haroho omuhanda ogurukutwara eruguru, habweki, omuntu yarugaga omu kainaabiri erukumalirra hansi, araba omu ya hagati ahika hali erukumalirrayo. Habweki, ebisiika eby'enju ya Ruhanga, obu byarolerwaga aheeru, okuruga hansi okuhika ha iguru, byona byazookaga nk'ebiina omuzimbo gumu nkooku birukwingana. Haihi n'ekisiika ky'Enju ya Ruhanga eky'aheeru, hakaba hombekerweho emihanda enyakugalihire ebiri nukwo kisoboke kuruga omu kainaabiri eya hansi, okugenda omu ya hagati, n'omu kainaabiri eza haiguru okukiraho.

⁸Kandi nkarora Enju ya Ruhanga, ina ekituuti ekiimukire ekigyehinguliriize; emisingi ey'ebisiika ebya ha rubaju, ekaba nehikya mita ibiri n'ekicweka.

⁹Omugoma ogw'ekisiika eky'aheeru, eky'ebisiika ebya ha rubaju, gukaba niguhikya mita ibiri n'ekicweka; kandi ekicweka eky'ekituuti ekikaba kiri kwonka kikaba nikihikya mita ibiri n'ekicweka. Hagati y'ekituuti eky'Enju ya Ruhanga

¹⁰n'ebisiika eby'ezigati, okugyehinguliriza embaju zoona, hakaba nihahikaho obugazi bwa mita ikumi.

¹¹Enyigi ez'ebisiika ebya ha rubaju, zikaba ziroleriire ekicweka eky'ekituuti ekikaba kiri kwonka, orwigi orumu ruroleriire ha bukiizi obw'emoso, orundi ha bw'obulyo; kandi obugazi bwakyo okukyehinguliriza, bukaba nibuhika mita ibiri n'ekicweka.

¹²Enju eyekaba eroleriire Enju ya Ruhanga, ha bukiizi obwa Bugwaizooba, ekaba neehikya obugazi obw'emikono nsanju, kandi omugoma ogw'ekisiika eki okukyehinguliriza, bukaba nibuhika mita ibiri n'ekicweka, kandi mita ana na itano, obura kyenda.

¹³Hanyuma yalenga Enju ya Ruhanga, obura bwayo yahika mita makumi ataano; ezigati n'ekyombeko n'ebisiika byayo, mita makumi ataano;

¹⁴kandi obugazi obw'omumaiso gaayo n'obw'ezigati, emikono kikumi.

¹⁵Hanyuma, yalenga obura bw'enju eyeekaba eroleriire ezigati eyeekaba eri ha bukiizi obwa Bugwaizooba, n'ebisiika byayo ha mbaju zombi, bwahika mita makumi ataano. Ekisiika ekya hagati eky'enju ya MUKAMA, ekisiika eky'omunda, n'ekisasi eky'aheeru.

¹⁶Bikaba biswekerwe embaaho okubyehinguliiriza, byona bisatu bikaba biina amadirisa. Enju ya Ruhanga, ekaba eswekerwe n'embaaho okugyehinguliiriza, okuruga hansi okuhika ha madirisa

¹⁷Okugarukira ha mwanya ogw'eruguru y'orwigi okuhikira kimu ha kisiika eky'omunda na ha ky'aheeru. Ha bisiika byona ebyehiguliriize ekisiika eky'omunda, hakaba hasarwirweho

¹⁸Kerubbi n'emikindo, omukindo gumu guli hagati ya bakerubbi babiri. Buli Kerubbi omu akaba aina obuso bubiri, obumu omu maiso, obundi enyuma,

¹⁹obuso obw'omuntu buroleriire omukindo ha rubaju rumu, n'obuso obw'entale ensigazi buroleriire omukindo ha rubaju orundi. Bakerubbi n'emikindo, bakasarurwa okwehinguliriza Enju ya Ruhanga;

²⁰Okuruga hansi okuhika eruguru y'orwigi, Kerubbi n'emikindo bikasarurwa ha kisiika.

²¹Emikumirro ey'ekisiika ekya hagati, ekaba ningana ha mbaju zombi; kandi omumaiso ag'Ekiikaro Ekirukwera hakaba haroho ekintu ekirukusisana

²²n'itambiro ery'emiti; obwemi bwakyo mita emu n'ekicweka, obura mita emu, kandi obugazi nayo mita emu; embaju zalyo, hansi yalyo yangambira ati enu niyo meeza eri mumaiso ga MUKAMA n'ebisiika byalyo, bikaba biri by'omuti.

²³Ekisiika eki n'Ekiikaro Ekirukwera, buli kimu kikaba kiina orwigi rumu oruteeraine.

²⁴Enyigi ezi buli rumu rukaba ruroho ebikoora bibiri ebirukulengiija.

²⁵Kandi ha nyigi ez'ekisiika ekya hagati, hakaba hasarwirweho Kerubbi n'emikindo nka biri ebyasarwirwe ha bisiika; omumaiso g'ekisasi ekyaheeru, hakaba haroho etandaliwa.

²⁶Ha bisiika ebya ha rubaju eby'ekisasi orubaju n'orubaju, hakaba haroho amadirisa agakaba gataahiibwe omu kisiika, hamu n'emikindo.