Read Runyoro - rutooro Ezek 43 Bible Online

Ezek 43 - Runyoro - rutooro bible

Ezek 43

¹Hanyuma yantwara ha irembo, erinyakuroleriire Burugaizooba.

²Narora ekitiinisa kya Ruhanga owa Isirairi nikiruga Burugaizooba. Omu kitiinisa, haiziramu iraka ery'okuhiirra nk'okw'enyanja, ensi yayangasana habw'ekitiinisa.

³Eki nayolekerwe kinu, kikaba nikisisana kiri, eki nkaba mboine, obu yaizire kuhwerekereza orubuga; na kiri eki nkaba mboine ha kisaaru Kebbara; nukwo kugwa njumaire. Okwolekwa kunu, kukaba nikusisana kuli, oku nkaba mboine, obu yaizire kuhwerekereza orubuga, na kuli oku nkaba mboine ha kisaaru Kebbara, nukwo kugwa njuumaire.

⁴Ekitiinisa kya MUKAMA obu kyataahire omunju ye, kireesirwe irembo erinyakuroleriire Burugaizooba,

⁵Mwoyo we yampimba yantwara omuzigati ey'omunda; nuho naroliire Enju ya Ruhanga ijwire ekitiinisa.

⁶Omusaiju obwakaba akyanyemeriire ha rubaju, nahurra omuntu naabaza na nyowe, ali omunju ya Ruhanga;

⁷yangambira ati: Wewe mwana w'omuntu, kinu nikyo ekiikaro eky'ekitebe kyange, kandi nikyo ekiikaro ekindubataho, hanu nuho ndiikara hagati y'abantu bange aba Isirairi, ebiro byona. Enju ya Isirairi, abo bonyini rundi abakama baabo, tibalyongera kusiisa ibara lyange erirukwera n'obusiihani bwabo n'emitumbi ey'abakama baabo.

⁸Omulyango gwabo nibagwiriza haihi n'ogwange, omukumirro gwabo nibaguherraniza n'ogwange, hagati bataireho ekisiika kyonka ekirukunyahurana nabo. Bakajuma ibara lyange n'ebintu ebibi ebi baakozire, na nyowe nukwo kubahwerekereza n'ekiniga.

⁹Hati nu, balekere aho okuramya ebisisani, n'emitumbi y'abakama baabo, baginyiheho, bagitwale hara, nukwo nyikale nabo ebiro byona.

¹⁰“Wewe mwana w'omuntu, osoborre ab'enju ya Isirairi Enju ya Ruhanga, ensisana n'entegeka yayo, nukwo bakwatwe ensoni bafuuhye ebintu ebibi ebi bakora.

¹¹Obu balikwatwa ensoni habw'ebi byona ebi baakozire, obaterre ekisisani eky'Enju ya Ruhanga obasoborre Enju ya Ruhanga nkooku esisana, entegeka yayo, emiryango abantu ei barabamu nibaturuka, n'ei barabamu nibataaha enyakuturukya n'enyakutaahya abantu ekisisani kyayo kyona; obamanyise ebiragiro byayo byona; ebi byona obibahandiikire, nukwo beetegereze kandi bakwate ebiragiro byayo byona.

¹²Kinu nikyo ekiragiro eky'Enju ya Ruhanga; omwanya gwona ogunyakwehinguliriize omutwe gw'orusozi, ogu mwanya gurukwera.

¹³“Itambiro, likalengwa liti likalengesibwa emikono hansi yalyo (ekibunu kyalyo, entebe yalyo) obura, sentimita makumi ataano, n'obugazi sentimita makumi ataano, libe n'omugoma ogurukuhikya sentimita abiri na itaano okulyehinguliriza. Obura bwalyo, bube buti:

¹⁴Okuruga ha kibunu kyalyo hansi, okuhika hansi ha bunyigita, mita emu, obugazi sentimita makumi ataano, okuruga ha bunyigita okuhika ha bukooto, mita ibiri, obugazi sentimita makumi ataano;

¹⁵okuruga ha kyoto kyalyo, mita ibiri, kandi okuruga ha kyoto kyalyo ekiturukire haiguru, habeho amahembe ana mita ibiri.

¹⁶Ekyoto eki, kibale embaju ina ezirukwingana, obura mita mukaga, n'obugazi mita mukaga.

¹⁷Omukugiro nagwo, gube gw'embaju ina ezirukwingana, obura mita musanju, obugazi mita musanju, ligire omugoma ogulyehinguliriize, obugazi bwagwo sentimita abiri na itaano, ekibunu kyalyo, sentimita ibiri, okulyehinguliriza lyona.”

¹⁸Kandi yangambira ati; “Wewe mwana w'omuntu, MUKAMA Ruhanga naagamba ati: Binu nibyo biragiro eby'itambiro: Ha kiro eki liryemerezibwaho okuhongerwaho ebihongwa eby'okwokya n'okumiisirwa esagama,

¹⁹MUKAMA Ruhanga naagamba ati: Ohe banyakatagara Abaleevi, ab'oruganda rwa Zadooki, abanyakunyirra haihi kumpeereza, enimi ey'okuganyiza ebibi.

²⁰Okwate ha sagama yayo, ogisiige ha mahembe ana ag'itambiro, na ha burugu bbuna obw'obunyigita na ha mugoma gwalyo okulyehinguliriza; nukwo olirisemeza oti, olyeze

²¹Kandi okwate enimi ey'ekihongwa eky'okuganyiza ekibi, eyokezibwe omu kiikaro ekinyakukomerwe, eky'Enju ya Ruhanga, Aheeru y'ekiikaro ekirukwera.

²²Ha kiro ekirikurataho, ohonge empaya y'embuzi emburabuzi etaina kamogo ey'ekihongwa eky'okuganyiza ekibi; itambiro nukwo lisemezibwe, nkooku lyasemeziibwe n'enimi.

²³Obu olimara kulisemeza, ohongereho; ohonge enimi etaina kamogo, n'empaya y'entaama eyeerugire omu igana, nayo etaina kamogo.

²⁴Ezi ozireete omumaiso ga MUKAMA, banyakatagara baimiisire ekisura nukwo baihongere MUKAMA, ziri kihongwa eky'okwokya.

²⁵Buli kiro okumara ebiro musanju oserrege embuzi emburabuzi ey'ekihongwa eky'okuganyiza ekibi, kandi oserrege enimi, n'empaya y'entaama ebirugire omu igana ebitaina kamogo.

²⁶Baanyakatagara balimara ebiro musanju eby'okweza nokuleherra itambiro nukwo lisobole kwekoonyezibwa.

²⁷Ebiro musanju obu birihwaho, okuruga ha kiro ekya munaana n'okweyongerayo, batandike okulihongeraho ebihongwa byanyu eby'okwokya, n'eby'okusaba obusinge MUKAMA Ruhanga naagamba ati: Ndibaikiriza”.