Read Runyoro - rutooro Ezek 8 Bible Online

Ezek 8 - Runyoro - rutooro bible

Ezek 8

¹Omu mwaka ogwa mukaaga omu kwezi okwa mukaaga, ha kiro ekya kataano eky'okwezi oku, obu nkaba nyikaliire omunju yange, ndi hamu n'abakuru aba Yuda banyikaliire omu maiso, MUKAMA nubwo yanyolekere obusobozi bwe

²Aho namagamaga, eee, narora ekintu ekikaba nikisisana nk'omuntu, nambere hakaba nihasisana kubaho ekibero, hakaba haroho omurro, kandi eruguru y'ebibero by'omuntu ogu, hakaba nihengeengeta, nihasisana nk'omulinga ogurukumeremeeta.

³Yagorra ekirukusisana nk'omukono, yankwata ekiyondo ky'isoke; kandi Mwoyo wa Ruhanga yanyemereeza yanta omu mwanya, yanyoleka ebintu ebyarugire hali Ruhanga, yampikya Yerusaalemu ha mulyango ogw'irembo ery'omunda nambere hali ekisisani ky'embandwa y'ihali anyakwimukiriza ihali.

⁴Oku nuho narozire ekitiinisa kya Ruhanga wa Isirairi, nkooku nkaba nkiboine omu kihanga.

⁵Hanyuma yangambira ati: “Iwe omwana w'omuntu, imukya amaiso gawe orole ha bukiizi bw'emoso.” Aho nkaimukya amaiso narora ha bukiizi bw'emoso, narora ha bukiizi bw'emoso obw'itambiro, ha mulyango, nuho hakaba hali ekisisani kye eky'ihali.

⁶Akangambira ati: “Iwe omwana w'omuntu, oboine abantu eki barukukora, ebintu ebibi muno abantu ba Isirairi ebi barukukora hanu, nukwo bambinge bantwale hara, banyihe omu kiikaro kyange? Noija kurora n'ebirukukiraho ebi obubi.”

⁷Akantwara hamulyango ogw'ekikaali; obu nayetegeriize, nkarora ekihuru kiri omu kisiika

⁸Hanyuma yangambira ati: Iwe mwana w'omuntu, dubura ekisiika kinu, nakidubura, nasangayo orwigi.

⁹Yangambira ati: “Taaha orole ebintu ebibi abantu ebi barukukora hanu.”

¹⁰Nkataahamu narora, ha bisiika hakaba hatiirweho ebisisani eby'enjoka, n'ebisoro ebindi ebinyakuzirwa n'ebintu ebindi, Abaisirairi ebi baaramyaga.

¹¹Omumaiso g'ebi, hakaba heemeriireho abasaija nsanju abamu ha bakuru b'enju ya Isirairi, Yazaaniya mutabani wa Safani abali hagati. Buli omu akwasire ekiswa kye, omwika Ogwarugaga omu bubbaani nigucuuka.

¹²Hanyuma yankaguza ati: “Iwe mwana w'omuntu, oboine abakuru ab'enju ya Isirairi ebi bakorra ha rubaju, buli muntu nebisisani omu kisiika kye?”

¹³Habwokuba nibagamba: “MUKAMA tarukuturora, MUKAMA akatunagaija. Kandi noija kurora n'ebinugwa ebindi ebi barukukora, ebirukukira binu obubi.”

¹⁴Hanyuma, akantwara ha mulyango ogw'irembo ery'obukiizi obw'emoso, ery'enju ya MUKAMA; nabonayo abakazi baikaliire nibalirirra Tamuzi embandwa yabo,

¹⁵Hanyuma yankaguza ati: “Iwe mwana w'omuntu, eki okiboine? Noija kurora ebintu ebibi ebindi, ebirukukira binu obubi.”

¹⁶Kandi akantwara omu kikaali eky'omunju ya MUKAMA; ha mulyango ogw'enju ya MUKAMA, hagati y'ekisasi ky'omulyango n'itambiro, nkarorayo abasaija amakumi abiri na bataano, batiire amabega enju ya MUKAMA, baroleriire Burugaizooba, nibaramya izooba.

¹⁷Kandi yankaguza ati: “Iwe omwana w'omuntu, eki okiboine? Eki, kintu kitoito, abantu ab'enju eya Isirairi okukora ebintu ebibi omu kiikaro kinu, nukwo baijuze ensi enu ebibi nukwo bongere kunkwasa ekiniga? Orole nkooku barukunjumira kimu bati!

¹⁸Habweki, na nyowe ninyija kwoleka obukaya; tindukwija kubaganyira rundi kubagirra embabazi; noobu balintaagira bata, tindibahurra.”