Read Runyoro - rutooro Dan 6 Bible Online

Dan 6 - Runyoro - rutooro bible

Dan 6

¹Daliyo akacwamu kukoma abalemi abakuru kikumi mu abiri, bakole omu bukama bwe bwona;

²hali abo yayongeraho abakuru basatu kwebembera abo. Daneeri nuwe yabaire omu ha basatu abo nubo abaamasaza ababarrege ebintu, nukwo omukama aleke kuferwa.

³Daneeri ogu akamanywa muno okukira abalemi abakuru muno abandi n'abaamasaza, habwokuba akaba aina omwoyo omurungi ogutagambwa; omukama nukwo kutegeka kumuha omulimo ogw'okurolerra obukama bwona.

⁴Nubwo abalemi abakuru n'abaamasaza, baagondeze kucwa amagezi ag'okuserra ekintu ekibi ekinyakwina obukwatane obw'okuleetereza Daneeri kuhyemerwa; baitu batasobole, habwokuba Daneeri akaba ali mwesigwa, tiyakoraga kintu kibi rundi ekirukusiisa obwesige.

⁵Nubwo baateekeriize bati: Titwina kintu eki turataho Daneeri, ekiraamuleetera kuhyemerwa, rundi buli kiina obukwatane n'ebiragiro byokuramya.

⁶Abalemi abakuru n'abaamasaza nubwo baikirraniize baahikaho omukama, baamugambira bati: “Hangiriza, enzaire Daliyo!

⁷Baagavana boona ab'obukama, abamyoka n'abamasaza, abahi b'amagezi n'abaagavana, baikirraniize nibagamba ngu: Waitu Rukiraabasaija oteho ekiragiro ekirukugamba ngu omuntu wena araamara ebiro amakumi asatu, naasaba embandwa endi rundi omuntu atali iwe, Agutamba, omuntu ogu anagwe omu bwingira bw'entale.

⁸Mwebingwa, hati taho ekiragiro ekirukufuuhiza kimu ekintu eki okiteho omukono, nukwo kireke kuhinduka, noogendera ha biragiro by'Abameedi n'Abapaasa ebitasobora kuhinduka.”

⁹Aho, omukama Daliyo yataho ekiragiro eki omukono.

¹⁰Daneeri obu yahuliire ekiragiro nkooku kitairweho omukono, yataaha omu kisiika eky'omunju ekya kainaabiri, hakaba harumu amadirisa agakaba garoleriire Yerusaalemu. Aho nuho yatiize amaju haihi n'amadirisa agakingwirwe, yayesengereza Ruhanga emirundi esatu omu kiro kimu, nkooku yakakoraga bwona.

¹¹Abanyanzigwa ba Daneeri obu baamurozire naasaba Ruhanga we,

¹²boona baagenda hamu mb'omukama kunyegerra Daneeri. Baagambira omukama bati: “Mwebingwa, okata omukono ha kiragiro ekirukugamba kiti: Omu biro binu amakumi asatu omuntu weena ow'alisaba ekintu embandwa, rundi omuntu ondi atali iwe, omuntu ogu anagwe omu bwingira bw'entale.” Omukama yagarukamu ati: “Ego, eki nikyo ekiragiro ekigumire, nikyo ekiragiro eky'Abameedi n'Abapaasa, ekitasobora kuhinduka.”

¹³Nubwo baagambira omukama bati: “Daneeri ogu, omu haabazaahisibwa abaarugire Yuda, waitu tarukukugayuka, n'ekiragiro wataireho tarukukikwata, asaba kasatu buli kiro.”

¹⁴Omukama obu yahuliire ebigambo ebi, yasaalirwa muno yakora kyona asobole kujuna Daneeri, akaikara naalengaho kumujuna okuhika izooba obu lyagwire

¹⁵hanyuma abasaija abo baagaruka hali omukama baamugambira bati: “Mwebingwa, omanye ekiragiro ky'Abameedi n'Abapaasa nkooku kigamba ngu, busaho kiragiro na kimu ekinyakuhinduka, omukama amazire kukigumya.”

¹⁶Hanyuma omukama nukwo kuragira bakwate Daneeri bamunage omu bwingira bw'entale. Omukama akagambira Daneeri ati: “Ruhanga wawe, ou oheereza obutoosa akujune!”

¹⁷Baaleeta ibaale, baakinga obwingira, omukama yataho emanyikirizo ye yonyini, n'emanyikirizo ey'abanyoro be, nukwo haleke kubaho omuntu asobora kujuna Daneeri.

¹⁸Hanyuma omukama yagaruka omu kaaruziika ye, yaraara ataliire; ataikirize kutalibanizibwa; kandi akaraara naarora.

¹⁹Omukama akazinduka omurukyakya, yahika bwango ha bwingira bw'entale.

²⁰Obu yairiire haihi obwingira Daneeri obwakaba arumu, obujune buraaliire kumwita, yairiza omunwa ha ibaale yayamirra ati: “Iwe Daneeri omuheereza wa Ruhanga omwomeezi, Ruhanga wawe ou oheereza obutoosa, asoboire kukujuna entale?”

²¹Daneeri yagarukamu ati: “Hangiriza, Rukirabaisaija Omukama!

²²Ruhanga wange atumirege malaika we, yaziigara akanwa, tizinkwasireho; habwokuba nkaba ntaina kabi hali Ruhanga wange kandi na iwe mwebingwa, tinkakusobezaaga.”

²³Omukama yasemererwa muno muno, yaragira baihe Daneeri omu bwingira Daneeri nukwo kwihwa omu bwingira, atakozirweho kabi n'akatoito kati habwokuba akaba ayesigire Ruhanga we.

²⁴Nubwo omukama yaragira bakwate abantu bali abakaba banyegeriire Daneeri, babanage omu bwingira bw'entale, hamu na bakazi baabo n'abaana baabo; obu bakaba batakahikire hansi omu bwingira, entale zaabaanuukura, zaabahendahenda amagufa goona.

²⁵Omukama Daliyo, nubwo yahandiikiire abantu abanyakuli omunsi yoona ab'amahanga goona, ab'enganda zoona n'abendimi zoona, naagamba ati: “Nimbagondeza obusinge, oburukukirra hara obu mutaaha nabwo.

²⁶Hati nintaho ekiragiro ekirukugamba kiti: Abantu batiinege kandi batemuga ekitiinisa Ruhanga wa Daneeri, habwokuba nuwe Ruhanga omwomeezi aliikaraho ebiro byona, obukama bwe tibulihwaho, kandi obulemi bwe bw'ebiro byoona.

²⁷Ajuna kandi asahura, akora eby'amahano kandi ebihuniiriza omwiguru n'omunsi, ogu nuwe yajunire Daneeri entale.”

²⁸Omu businge bw'omukama Daliyo n'obwa Kuuro Omupaasa, Daneeri ogu nukwo yatungire omugisa ati.