Read Runyoro - rutooro Hos 3 Bible Online

Hos 3 - Runyoro - rutooro bible

Hos 3

¹MUKAMA akangamba ati: “Garuka ogende, ogonze omukazi ogu omusiihani, arukugonzibwa omusaija ondi; omugonze nka MUKAMA oku agonza abantu ba Isirairi, kandi kunu baheereza embandwa, kandi nibagonza ebitonge eby'ebijuma by'emizabbibbu.”

²Enjugano nahaire kuswera omukazi ogu, ekaba ebicweka by'efeeza ikumi na bitaano n'ebigega musanju ebya Sayiri.

³Namugambira nti: “Omale ebiro bingi oli wange; otalikisura okasiihana, rundi kutungwa omusaija ondi; nkooku olyerinda, na nyowe nukwo ndyerinda.”

⁴Abaana ba Isirairi nabo nukwo balimara akasumi bati bataina mukama rundi mulemi, batarukutamba byonzira, bataina ibaale eriraihire, bataina bisisani eby'okwekoonyeza kuragura.

⁵Ebi obu birihwaho, abaana ba Isirairi baligaruka baserre MUKAMA Ruhanga wabo, na Daudi omukama wabo; baliija hali MUKAMA nibakankana, batunge ebirungi bye ebiribaho omu biro eby'omu maiso.