Read Runyoro - rutooro Hos 5 Bible Online

Hos 5 - Runyoro - rutooro bible

Hos 5

¹Inywe banyakatagara muhurre: Inywe ab'enju ya Isirairi, kinu mukiteho omutima! Inywe ab'enju y'omukama, mutege amatu! Inywe abanyakusemeriire kugendera habwinganiza; nimwija kucwerwa omusango, habwokuba mukaba mutego omu kiikaro Mizipa, mwaba kitimba ekyayanjurwirwe Tabora.

²Abeemi beyongire muno muno okwita abantu, baitu boona ninyija kubafubira.

³Byona ebirukukwata hali Efuraimu, nimbimanya; kandi Isirairi tasobora kunyesereka; habwokuba iwe Efuraimu, okeeha orwanju; Isirairi yasiisikara.

⁴Ebikorwa byabo, tibiribaikiriza kugaruka hali Ruhanga wabo. Habwokuba omwoyo gw'orwanju gukabaswera, nikyo batarukumanyira MUKAMA.

⁵Okwekuliiriza kwa Isirairi, nikumuzooka ha maiso; Efuraimu alyesiitara aikale omu kibi kye; Yuda na uwe alyesiitara hamu nabo.

⁶Baligenda kuserra MUKAMA baina amahyo gaabo ag'embuzi nag'ente, baitu tibalimuzoora; habwokuba akabarugaho.

⁷Bakamukorra ebitali by'obwesige; bazaara abaana abanyamahanga. Omuhwerekereza alibahwerekereza hamu n'obutaka bwabo.

⁸Iwe Benyamiini, tukumira teera engwara omunsi Gibbeya, teera enduuru omunsi Besaveeni.

⁹Eki ndukuranga ha nganda za Isirairi kirihikirra, ekiro eky'okufubirwa obu kirihika, Efuraimu erifooka kitongo.

¹⁰Abalemi ba Yuda basisaine nk'abantu abanyakwihurra emitaano; ndibabiihirirwa muno muno.

¹¹Efuraimu naabonabona, akaferwa ensi ey'ekaba eri ye mali, habwokuba akaikaliza kugenda kuserra obukoonyezi ha bantu abakaba batarukusobora kumukoonyera naakake.

¹²Habweki ninyija kuhwerekereza Isirairi, mpwerekereze abantu ba Yuda. Habweki, nyowe nyenka ndiba nkugutu hali Efuraimu, mbe kookoro hanju ya Yuda. Efuraimu yagenda Asiriya, yatumaho omukama omukuru.

¹³Efuraimu obu yaboine endwara ye, kandi Yuda yabona obuhuta bwe, Efuraimu yagenda Asiriya, yatumaho omukama omukuru. Iwe Efuraimu, omukama ogu talisobora kukukiza, na iwe Yuda, talisobora kukutambira obuhuta.

¹⁴Habwokuba Efuraimu ndimufookera ntale, enju ya Yuda ngifokere ntale nsigazi. Nyowe, nyowe nyenka atali ondi, ndibataagataagura mbasigeho aho nyegendere; kandi obu ndiba nimbaihaho, busaho n'omu alibajunira.

¹⁵Okuhika obu baliikiriza omusango gwabo bakanserra bali omu muhito, nubwo ndigaruka omu kiikaro kyange nabo balirora obuso bwange.