Read Runyoro - rutooro Hos 8 Bible Online

Hos 8 - Runyoro - rutooro bible

Hos 8

¹Teera engwara nk'omulinzi ow'enju ya MUKAMA okw'akora, habwokuba abantu bakacwa endagaano yange, kandi baayanga n'okukwata Ebiragiro byange.

²Noobu baraba nibannyeta Ruhanga wabo, nibeeyeta bantu bange, nibagamba ngu baamanyire,

³bakanga ebirungi, abanyanzigwa baabo nikyo barukubairukiza.

⁴Bakeeteeraho abalemi ntamanyire. Bakeekorra ebisisani omu feeza n'omu zaabbu yabo nukwo beehwerekereze.

⁵Tindukwenda enimi eya zaabbu egi erukuramibwa abantu ba Samaliya. Mbabiihiriirwe muno, ekintu eki, balikireka di?

⁶Omufundi nyabufundi, nuwe yakozire ekisisani eki, tikisobora kuba Ruhanga naakake konka! Ekisisani eki, nikiija kucwacwanwa.

⁷Nkooku barukusiga omuyaga, baligesa akairiringwa. Engano yabo terisumika, obu erisumika, teryakya, kandi obweryakya, abanyamahanga nubo baligirya;

⁸Isirairi akahweraho kimu; akaburanganira omu mahanga naasisana nk'ekikwato ekitaina mugaso.

⁹Habwokuba bakagenda Asiriya, bali bonka engamiya ey'omwirungu erukujeerajeera eri yonka; Efuraimu ayeguliriire ab'okumugonza.

¹⁰Noobu barakeegulirra omu mahanga ab'okubakoonyera, ninyija kubasorooza bwango, nukwo baleke habw'akasumi kutaho abakama n'abalemi.

¹¹Isirairi nambere ehikire kwongera kwombeka amatambiro nukwo erugweho ebibi, nuho ehikire kuhama omu kibi, gaafooka matambiro g'okusiisa.

¹²Noobu naakumuhandiikiire Ebiragiro byange ebirukuhika obikumi n'ebikumi, baakubirozire nk'ekintu ekitamanyirwe.

¹³Bagonza kutamba ebyonzira; ego, ka batambe! Bagonza enyama, ego ka balye enyama! Baitu ebi, MUKAMA tabisiima. Tarukwija kwebwa ebibi ebi baakozire; kandi alibafubira habw'ebibi ebi; abagarreyo omunsi Misiri.

¹⁴Habwokuba Isirairi akeebwa omuhangi we, yayombeka ebikaali. Kandi Yuda akombeka embuga nyingi yaigumiza kimu; embuga ze ezi, ninyija kwinagaho omurro, ebigo bye gubisiiriize.