Read Runyoro - rutooro Amos 2 Bible Online

Amos 2 - Runyoro - rutooro bible

Amos 2

¹MUKAMA naagamba ati: “Habw'ensobi isatu rundi ina, ensi Mowabbu ezi yakozire, tindigibuzaaho kifubiro, habwokuba ekookya amagufa g'omukama w'Edomu yagafoora iju.

²Habweki, na nyowe Mowabbu ninyija kuginagaho omurro, gucwekereze ebigo bya Keriyosi, nukwo efeere omu bwogo n'omu toko, kunu, engwara niigamba;

³kandi MUKAMA naagamba ati: Omulemi wayo ninyija kumwita, nteho n'abanyoro baayo boona.”

⁴MUKAMA naagamba ati: “Habw'ensobi isatu rundi ina Yuda ezi yakozire, tindigibuzaaho kifubiro; habwokuba batakwate Ebiragiro byange baalema kukwata ebigambo byange, kandi habwokuba, bakahabisibwa embandwa zaabo zonyini ez'ebisuba, baisenkurubo ezi baabaandwaga.

⁵Habw'eki nu, Yuda ninyija kuginagaho omurro, guhwekereze ebigo bya Yerusaalemu.”

⁶MUKAMA naagamba ati: “Habw'ensobi isatu rundi ina Isirairi ezi yakozire, tindigibuzaaho kifubiro; habwokuba, omuntu omuhikiriire nibamuguza, nukwo beetungire efeeza, nibaguza n'omuseege, nukwo beetungire omugogo gw'enkaito.

⁷Abo abanyakunyigiriza abanaku, bakabafoora nk'ecuucu, abo abanyakubinga abarukubonesibwa omumuhanda; ekirukuruga omuli eki, omusaija n'omutabani nukwo kugendera omwisiki omu, nibajumisa ibara lyange erirukwera;

⁸haihi n'itambiro hoona, abantu nuho barukubyama, nibabyamira engoye eziizire eri misimbo; kandi omunju ya Ruhanga wabo, nuho batamirra. Banywa amaarwa, agababa baleheseze abantu.

⁹Kandi kunu inywe bantu bange, Abamooli obu baaseesire, abasaija kiri maani, abakaba baraihire nk'emikogoto, ab'amaani nk'emihomozi, ninyowe nabahwerekeriize, ninyowe nahwerekeriize ebijuma bye ebya ha iguru, nameenya n'emihama ye eya hansi omwitaka.

¹⁰Kandi ekindi, ninyowe nabaihire omunsi Misiri, nabeebembera omwirungu okumara emyaka amakumi ana, nukwo mwije mulye ensi ey'Abamooli.

¹¹MUKAMA naagamba ati: Abamu omubatabani baawe, nkabaimukya nabafoora barangi, abamu omubasigazi bawe, nabafoora Banaziri. Inywe abantu ba Isirairi, eki tikiri ky'amazima?”

¹²Baitu inywe eki mwakozire, nukwo kunywisa Abanaziri amaarwa, n'okutanga abarangi ngu “Ntabahurra nimuranga.”

¹³Hati nu, ninyija kubarubatiriirra omu itaka omukiikaro kyanyu, nk'ekigaali ekyetwekere ebiba by'engano nkooku kiigatira ensi.

¹⁴Ab'enziriga, baliremwa kwiruka, baakirimaani, galibahwa, n'ow'obusobozi, talyejuna;

¹⁵omurasi w'obuta, talyemerra omukiikaro kye, ogu anyakwiruka nk'omuyaga talibatabuka n'omutembi w'embaraasi talyejuna;

¹⁶MUKAMA naagamba ati: “Ha kiro eki, baakalibumanzi baligenda batabijwaire.”