Read Runyoro - rutooro Amos 6 Bible Online

Amos 6 - Runyoro - rutooro bible

Amos 6

¹Balikibona abo abagwagwaine omu rubuga Yerusaalemu n'abo abarukwesiimira ha rusozi rwa Samaliya, inywe abantu ab'ekitiinisa ab'ihanga ery'okubanza omu mahanga goona, abanyakwebinga enju ya Isirairi!

²Irooko mugende Kaline, mwerorre; obumuraaruga oku, mwirreyo mugende Hamasi, orubuga orw'ekitiinisa; mweyongereyo muhike Gaasi ey'Abafirisiti. Ensi ezi, nimugira nizikirwa amakama ganu? Rundi nimugira ensi yabo, ekaba eri nkooto okukira eyaanyu?

³Timurukwikiriza ekiro eky'akabi nkooku kiri haihi, baitu ebi murukukora, nibikiiriza haihi bwango okukiraho.

⁴“Balikibona abo abanyakubyaama ha bitabu eby'amasanga, abanyakurambikiriza ha bisago byabo, abanyakulya ebyana by'entaama ebinyakuruga omu igana, kandi abanyakulya enyana ezinyakuruga omu kihongole;

⁵abanyakuzina ebizina ebitaina mugaso nibabiteera ha nanga, kandi abanyakwezorra ebintu ebirukujaara ebinyakwekoonyezibwa omu bizina nka Daudi;

⁶abanyakunywera eviini omu bbakuli, kandi abanyakwesiiga amagita aganyakukirra kimu oburungi, baitu abatarukusaalizibwa okuhwerekerra kwa Yosefu!

⁷Habweki, abo nubo baliba b'okubanza kuzaahisibwa, kandi okwegonza kw'abo abanyakwiikara barambikiriize, kulihwaaho.”

⁸MUKAMA Ruhanga w'amahe akarahira omu bukuru bwe naagamba ati: “Nkatamirwa kimu okwekuliiriza kwa Yakobbo, kandi nkanoba ebigo bye; orubuga rwabo orukuru na byona ebinyakurumu, ndiruha omunyanzigwa.”

⁹Omunju emu, obu halisigaramu abasaija nka ikumi, balifa.

¹⁰Halisigaraho bake, ab'okwiha amagufa omunju; kandi obu halibaho omuntu ow'alikaguza omuntu ondi anyakuli omu karugu ati: “Haroho omuntu ondi anyakusigaire na iwe?” Oli aligarukamu ati: “Nangwa!” Abanyaruganda baligarukamu bati: “Oculeere cii! Tutaatura ibara lya MUKAMA.”

¹¹Habwokuba, MUKAMA obu aragira, amaju amakooto gacwacwanika, amatoito gamuunguka.

¹²Embaraasi ziirukira ha myandara? Omuntu alimisa ente enyanja? Baitu inywe, obwinganiza mukabufoora butwa, ebirungi mwabifoora bibi.

¹³Inywe abanyakwesiimisibwa amasa, nimugamba muti: “Karanaimu tutagyetungire n'amaani gaitu?”

¹⁴MUKAMA Ruhanga ow'amahe naagamba ati: “Iwe nju ya Isirairi, ninyija kukwiimukiza ihanga liije likurwanise; likubonabonese okuruga ha ntaaho y'orubuga Hamasi, okuhika ha kasaaru k'Arabba.”