Read Runyoro - rutooro Yon 3 Bible Online

Yon 3 - Runyoro - rutooro bible

Yon 3

¹MUKAMA akagaruka yagambira Yona ati:

²“Imuka ogende Nineve orubuga orukooto ruli, ogambire abantu baayo ebigambo ebi ndakugambira”

³Yona nukwo kwimuka, yagenda Nineve, MUKAMA nkooku yamugambiire. Nineve rukaba ruli rubuga rukooto muno kururabamu rwona kikaba nikitwara ebiro bisatu.

⁴Yona yatandika kutaaha orubuga, yarubatira ekiro kyoona. Yatoka naagamba ati: “Hasigaire ebiro amakumi ana, Nineve ruhwerekerre!”

⁵Abantu ba Nineve baikiriza ekigambo kya Ruhanga, bacwaamu kusiiba, boona abakuru n'abato.

⁶Omukama wa Nineve obu yahuliire ekigambo eki, yaimuka ha kitebe eky'obukama bwe, yajuura busuuti ye, na uwe yajwara eguniya yaikarra omu iju

⁷Yakora ekirangirro yakirangirra omu rubuga Nineve rwona ekirukugamba kiti: “Kinu nikyo ekiragiro ekitairweho omukama n'abanyoro be, ekirukugamba kiti: Hatabaho omuntu rundi ekisoro, ente rundi embuzi eraalya ekintu, abantu n'ebisoro basiibe njara, kandi bitanywa amaizi,

⁸baitu abantu n'ebisoro bijwale eguniya, byona biterre Ruhanga omuranga ogw'amaani; ego, buli muntu acwe engeso ye embi, kandi afuuhye engeso ye ey'obukatuzi.

⁹Nooha amanyire, rundi Ruhanga asobora kutugirra embabazi, naarugwaho ekiniga, naaleka kutuhwerekereza.”

¹⁰Ruhanga obu yaboine eki bakozire, nkooku batiire ekibi amabega; eki akaba agambire kubakora tiyakibakora, yakireka.