Read Runyoro - rutooro Kubar 25 Bible Online

Kubar 25 - Runyoro - rutooro bible

Kubar 25

¹Abaisirairi obu bakaba bali Sitimu abantu baatandika kwanjukiraho bahara ba Mowabbu.

²Abaisiki baikara nibeeta Abaisirairi baije ha bugenyi obw'ebyonzira ebi baatambiraga embandwa zaabo.

³Abaisirairi nukwo bayeteeraniize bati n'abantu abaaramyaga embandwa Baali owa Pehora, MUKAMA nukwo kubabiihirirwa;

⁴yagambira Musa ati: “Kwata abeebembezi boona ab'abantu ba Isirairi obaite abantu nibarora nkoku ndagiire, obu ndaaba ntakyabihirirwa abantu baabo.”

⁵Musa yagambira abacwi bemisango ati: “Buli omu omuliinywe aite abantu be abanyakuramize embandwa Baali owa Pehora.”

⁶Obu yamazire kubaza ebi, omu ha bantu ba Isirairi yaleeta omukazi Omumidyani, yamutaahya omunju ye, Musa n'abantu boona aba Isirairi nibarora, nibairra ha mulyango ogw'Eheema ey'okutangatanganiramu.

⁷Fenehaasi mutabani wa Eryeza, mutabani wa Arooni nyakatagara obu yarozire eki, yaimuka, yaruga omu kitebe, yakwata icumu lye,

⁸yataahirra omu Isirairi kireeta mukazi, n'omukazi ou yaleesire. Kagingo ey'ekaba etaahiriire Abaisirairi, aho nuho yagarukiire.

⁹Abaisirairi abaafiire, bakahika emitwaro ebiri n'enkumi ina.

¹⁰MUKAMA yagambira Musa ati:

¹¹“Fenehaasi mutabani wa Eryeza mutabani wa Arooni nyakatagara, anyihireho ekiniga eki ekinakwatiirwe Abaisirairi, akabagirra ekiniga ekinyakurumu ihali nkeeki nabagiriire, nikyo ntarabahwerekereriize.

¹²Habweki hati, omugambire ngu: ‘Hati nu, namuha endagaano ey'ebiro byona,

¹³endagaano enu, terigarukira hali uwe wenka, baitu erihikaho n'abaijukuru be, uwe atakiroho, niyo endagaano ey'obunyakatagara obw'oruteekerro, habwokuba akakwatwa ihali habwa Ruhanga we, yasabira Abaisirairi.’ ”

¹⁴Ibara ly'omusaija Omwisirairi ayaisirwe hamu n'omukazi Omumidyani, nuwe Zimiri mutabani wa Salu, mukuru w'enju ya baisenkuru Abasimyoni.

¹⁵Kandi ibara ly'omukazi Omumidyani ayaisirwe nuwe Kozibi, muhara wa Zura, ow'akaba ali mukuru w'enju ey'Abamidyani.

¹⁶MUKAMA yagambira Musa ati:

¹⁷“Tuntuza Abamidyani kandi obaite;

¹⁸bakutuntwize n'obucwangya bwabo obu baabacwangiizemu, baabatwaliriza omu kuramya Baali owa Pehora, n'omu bigambo bya Kozibi muhara w'omubiito owa Midyani munyanya bo, ayaisirwe ha kiro orufu eki rwaiziireho habw'ebigambo bya Pehora.”