Read Runyoro - rutooro Kubar 29 Bible Online

Kubar 29 - Runyoro - rutooro bible

Kubar 29

¹Ha kiro eky'okubanza eky'okwezi okwa musanju, mwesoroozeege; ha kiro eki, mulekege kukora omulimo ogw'amaani. Ekiro eki nikyo muraateerrahoga engwara,

²muhongege ekihongwa eky'okwokya, ekirukurugwamu ekisorrokoko ekirukuboyera kurungi MUKAMA: muhongege ente emu, empaya y'entaama emu, ebyana by'entaama ebihaya musanju ebitanyina kamogo, ebinyakuhikize omwaka gumu;

³n'ekihongwa kyabyo eky'ebyokulya, niyo nsaano enyakuniinuukire kurungi, etabwire n'amagita, kiloguraamu isatu ezirukugenda hamu n'enimi, na kiloguraamu ibiri ezirukugenda hamu n'empaya,

⁴kandi na kiloguraamu emu eyerukugenda hamu n'ebyana by'entaama musanju;

⁵hamu n'empaya y'emburabuzi ey'okubasabira ey'ekihongwa eky'okuganyiza ebibi

⁶Ebi nibyongerwa ha kihongwa eky'okwokya ekya buli mboneko y'okwezi n'ekihongwa kyakyo eky'ebyokulya, ekihongwa eky'ekyokunywa, ekihongwa eky'okwokya, ekirukurugwamu ekisorrokoko ekirukuboyera MUKAMA nkooku byaragiirwe.

⁷Ha kiro ekya ikumi eky'okwezi okwa musanju oku, musorrokanege kandi mwefubirege, mutalikora omulimo na gumu,

⁸baitu muhongere MUKAMA ekihongwa eky'okwokya ekirukurugwamu ekisorrokoko ekirukuboya, ekihongwa eki; niyo enimi ento emu, empaya y'entaama emu, ebyana by'entaama musanju eby'omwaka gumu; ebirungi mali kandi ebitanyina kamogo;

⁹n'ekihongwa kyabyo eky'ebyokulya, niyo ensaano enyakuniinuukire enyakutabwire n'amagita, na kiloguraamu isatu, ezirukugenda hamu n'enimi, na kiloguraamu ibiri ezirukugenda hamu n'empaya y'entaama,

¹⁰na kiloguraamu emu eyerukugenda hamu n'ebyana by'entaama musanju;

¹¹kandi n'empaya y'emburabuzi emu ey'ekihongwa eky'okuganyiza ebibi, ebirukwongerwa ha kihongwa eky'okusaba kuganyirwa ebibi, hamu n'ekihongwa kyakyo eky'ebyokulya, n'ebihongwa byabyo eby'ekyokunywa.

¹²Ha kiro ekya ikumi na bitaano eky'okwezi okwa musanju, musorrokanege; mutalikora omulimo ogw'amaani. Mumale ebiro musanju nimukorra MUKAMA obugenyi;

¹³mutambire MUKAMA ekihongwa eky'okwokya ekirukurugwamu ekisorrokoko ekirukumuboyera: nizo enimi ento ikumi na isatu, empaya z'entaama ibiri, ebyana by'entaama ikumi na bbina eby'omwaka gumu ebitanyina kamogo;

¹⁴n'ekihongwa kyabyo eky'ebyokulya, niyo ensaano enyakuniinuukire kurungi etabwiremu amagita agarukuhikya kiloguraamu isatu ezirukugenda hamu n'enimi, kiloguraamu ibiri ezirukugenda hamu n'empaya ibiri,

¹⁵na kiloguraamu emu eyerukugenda hamu n'ebyana by'entaama ikumi na bbina;

¹⁶kandi n'empaya y'emburabuzi emu ey'ekihongwa eky'okuganyiza ebibi ekirukwongerwa ha kihongwa eky'okwokya ekya butoosa, ekihongwa kyakyo eky'ebyokulya n'ekyekyokunywa.

¹⁷Ha kiro ekya kabiri, enimi ento ikumi na ibiri, empaya z'entaama ibiri, ebyana by'entaama ikumi na bbina ebitanyina kamogo eby'omwaka gumu,

¹⁸hamu n'ekihongwa eky'eby'okulya n'eky'eky'okunywa ebirukugenda hamu n'enimi, n'empaya z'entaama, muhikye omuhendo gwabyo ekiragiro nkooku kigamba;

¹⁹n'empaya y'emburabuzi emu ey'ekihongwa eky'okuganyiza ebibi; ebirukwongerwa ha kihongwa eky'okwokya ekya butoosa, n'ekihongwa kyakyo eky'ebyokulya n'ekyeky'okunywa.

²⁰Ha kiro ekya kasatu, enimi ikumi n'emu, empaya z'entaama ibiri, eby'ana by'entaama ikumi na bbina ebitanyina kamogo eby'omwaka gumu,

²¹hamu n'ekihongwa eky'ebyokulya n'eky'okunywa ebirukugenda hamu n'enimi, empaya z'entaama, n'ebyana by'entaama, muhikye omuhendo gwabyo, ekiragiro nkooku kirukugamba;

²²kandi n'empaya emburabuzi emu ey'ekihongwa eky'okuganyiza ekibi.

²³Ha kiro ekya kana, enimi ikumi na ina ezitanyina kamogo eby'omwaka gumu,

²⁴hamu n'ekihongwa eky'ebyokulya n'eby'okunywa

²⁵ebirukugenda hamu n'enimi empaya z'entaama, n'ebyana by'entaama, muhikye omuhendo gwabyo, ekiragiro nkooku kirukugamba n'empaya y'embuzi emburabuzi emu ebirukuhongerwa ha kihongwa eky'ebyokulya ekya butoosa, ekihongwa kyakyo eky'ebyokulya n'eky'okunywa.

²⁶Ha kiro ekya kataano, enimi mwenda, empaya z'entaama ibiri, ebyana by'entaama ikumi na bbina ebitanyina kamogo eby'omwaka gumu,

²⁷hamu n'ekihongwa eky'ebyokulya n'eky'okunywa ebirukugendera hamu n'enimi, empaya n'ebyana by'entaama muhikye omuhendo ekiragiro nkooku kirukuragira,

²⁸n'empaya y'embuzi emburabuzi emu ey'ekihongwa eky'okuganyiza ebibi; ebi nibyongerwa ha kihongwa eky'okwokya ekya butoosa, n'ekihongwa kyakyo eky'ebyokulya n'ekyokunywa.

²⁹Ha kiro ekya mukaaga, enimi munaana, empaya z'entaama ibiri, ebyaana by'entaama ikumi na bbina ebitanyina kamogo, eby'omwaka gumu,

³⁰hamu n'ekihongwa eky'ebyokulya n'eky'okunywa ebirukugenda hamu n'enimi, empaya, n'ebyana by'entaama, muhikye omuhendo ekiragiro nkooku kirukuragira.

³¹N'empaya y'emburabuzi emu ey'ekihongwa eky'okuganyiza ebibi; ebi nibyongerwa ha kihongwa eky'okwokya ekya butoosa, ekihongwa kyakyo eky'ebyokulya n'eky'okunywa.

³²Ha kiro ekya musanju, enimi musanju, empaya z'entaama ibiri, ebyana by'entaama ikumi na bbina ebitanyina kamogo eby'omwaka gumu,

³³hamu n'ekihongwa eky'ebyokulya n'ekyokunywa ebirukugenda hamu n'enimi, empaya z'entaama, n'ebyana by'entaama, muhikye omuhendo, ekiragiro nkooku kirukuragira;

³⁴n'empaya y'emburabuzi emu ey'ekihongwa eky'okuganyiza ekibi, ebi nibyongerwa ha kihongwa eky'okwokya ekya butoosa, ekihongwa kyakyo eky'ebyokulya n'eky'okunywa.

³⁵Ha kiro ekya munaana, musorrokanege; mutalikora omulimo ogw'amaani;

³⁶baitu muhongerege MUKAMA ekihongwa eky'okwokya, ekirukurugwamu ekisorrokoko ekirukumuboyera: enimi emu, empaya y'entaama emu, ebyana by'entaama musanju ebitanyina kamogo eby'omwaka gumu,

³⁷ekihongwa eky'ebyokulya n'eky'okunywa ebirukugenda hamu n'enimi, empaya y'entaama, n'ebyana by'entaama, muhikye ekiragiro nkooku kirukuragira.

³⁸Empaya y'emburabuzi emu ey'ekihongwa eky'okuganyiza ebibi; ebi byongerwe ha kihongwa kyakyo eky'okwokya ekya butoosa eky'ebyokulya n'eky'eky'okunywa.

³⁹Ebi nibyo muhongerege MUKAMA omu kasumi ak'amagenyi ganyu agaatairweho mubyongere ha bihongwa byanyu ebi mwamuraganiize, ebihongwa eby'okwegondeza, n'ebihongwa eby'okusaba obusinge.

⁴⁰Musa, byona MUKAMA ebi yakamuragiire, na uwe nukwo yakabigambiire Abaisirairi.