Read Runyoro - rutooro Kubar 35 Bible Online

Kubar 35 - Runyoro - rutooro bible

Kubar 35

¹MUKAMA akagambira Musa omu byeya bya Mowabbu haihi n'ekisaaru Yorudaani omunsi Yeriko ati:

²“Gambira abantu ba Isirairi, hansi yabo ei babagaine, baheho Abaleevi embuga ezi baraikaramu niitaka erizehinguliriize ery'okulisizaamu.

³Embuga ezi, zibe zaabo z'okwikaramu, kandi niitaka niryo balisizeemuga ente zaabo n'ebisoro ebindi ebitungwa.

⁴Amaliisizo ag'embuga aga muraaha Abaleevi, gatandikire ha kisiika eky'orubuga n'okweyongerayo gahike mita bbina nataano embaju zoona.

⁵Kandi aheeru y'orubuga, ha rubaju orwa Bugwaizooba, naho mulenge mita rwenda balisizemuga, ebisoro byabo kandi bombekemu embuga zaabo.

⁶Embuga ezi muraaha Abaleevi, zibe mbuga mukaaga, abantu ezi barairukiramuga, oku nuho mwikirizege omuntu anyakwisire mutaahi we atagenderiire nuho asingirwe, kandi mubongereho embuga makumi ana na ibiri.

⁷Embuga zoona ezi muraha Abaleevi, zihike makumi ana na munaana, mubateeriireho n'ezamaliisizo.

⁸Kandi embuga ezi murabaha, muziihe ha bantu ba Isirairi, enganda ezirukukiraho obukooto, muziiheho embuga nyingi, kandi enganda nke, muziiheho embuga nke; buli ruganda nirulengererwa ha bwingi bw'itaka eri rwagabaine.”

⁹Kandi MUKAMA yayongera yagambira Musa ati:

¹⁰“Gambira abantu ba Isirairi ngu: Obu murayambuka ekisaaru Yorudaani mukataaha omunsi Kanaani,

¹¹ahonaaho, mwekomere embuga ezi muraasingirwamuga, omuntu anyakwita mutaahi we habw'obutandwa nuho asingirwege.

¹²Embuga ezi, nizo murasingirwamuga, nukwo mutabuke arukwenda kubahoora enzigu, omuntu anyakwisire omuntu mutaahi we, aleke kwitwa atakeemerezibwe omu maiso g'ekitebe okucwerwa omusango.

¹³Kandi embuga ezi, ezi mulibaha ziriba mbuga zanyu ez'okusingirwamu.

¹⁴Embuga isatu ez'obuseeri obw'ekisaaru Yorudaani, n'ezindi isatu ezinyakuli omunsi Kanaani, nizo mulihayo, zibe mbuga ez'okusingirwamu.

¹⁵Embuga omukaaga ezi, abantu nuho basingirwege ensuuhuki enyakwikara nabo, oku, omuntu aisire mutaahi we h'abw'obutandwa nuho asingirwege.

¹⁶‘Baitu kakuba omuntu ateeza mutaahi we ekintu eky'ekyoma, kiteerwa akagwerekerra, kiteera aba mwisi mali, na uwe kimuhikiriire kwitwa.

¹⁷Kandi kakuba amuteeza ibaale kiterwa akagwerekerra, kiteera aba mwisi mali na uwe kimuhikiriire kwitwa.

¹⁸Rundi kakuba amuteeza ekiti akagwerekerra, kiteera nabwo aba mwisi mali na uwe kimuhikiriire kwitwa.

¹⁹Arukuhorra kiitwa, obu aliitirana kiita, amwite.’ ”

²⁰Baitu kakuba aba amucumisire habw'enobi, rundi akagira eki amuhunguliire amweserekeriire akamwita,

²¹rundi akamuteera habw'obunyanzigwa akagwa hansi akakabiraho, kiteera na uwe aitwe, mwisi mali arukuhorra kiitwa obu alimwitirana na uwe asemeriire kumwita.

²²“Baitu kakuba aba amujumbutukiire akamucumita atamwinaho bunyanzigwa, rundi akagira eki amuhunguliire atabandize kumweserekerra,

²³rundi amutiize ibale lyamwita, rundi akalimuhungurra atamuboine lyamwita, kandi kunu akaba atali muzigu we, kandi atagenderiire kumukoraho akabi,

²⁴obu, ekitebe nikyo kicwemuga ebigambo eby'abantu ababiri abo: Kiita, n'arukwenda kuhoorra kiitwa enzigu nikihondera ebiragiro eki bigamba;

²⁵ekitebe kitabule, kiita omuhoozi w'enzigu atakamuhoire, kimugarre omu rubuga rwe ow'okusingirwamu, oru akaba asingirwemu, nuho aikale okuhika nyakatagara omukuru ayaseesirweho amagita agarukwera obu alifa.”

²⁶Baitu omwisi ogu, obu kalimusoha omurundi gumu akaruga omu rubuga orw'okusingirwemu oru yasingirwemu,

²⁷omuhoozi w'enzigu akamuhoorra aheeru yarwo, kimuhoora taliba na musango.

²⁸Habwokuba omwisi, kimuhikiriire okwikara omu rubuga orw'owabu orw'okusingirwamu, okuhika nyakatagara omukuru afiire, nyakatagara omukuru obu alimara kufa, nubwo agaruke omu butaka bwe.

²⁹“Hoona ha murakabaga ebiro byona, binu biraabaga biragiro ebi muraakuratiraga.”

³⁰“Omuntu ou araaitaga omuntu mutaahi we, kiita na uwe aitwe, obu haraabahoga baakaiso abarukumurumiriza.”

³¹Ekindi, mutaliikiriza kucungura omuntu anyakwisire omuntu omutaahi we, yacwerwa omusango ogwokufa; baitu na uwe aitwe.

³²Kandi mutaliikiriza kuchungura omusingwa ayasingiirwe omu rubuga rw'owaabu orw'okusingirwamu, nukwo agaruke omu butaka bwe, nyakatagara omukuru atakafiire.

³³Obu mulikora muti, ensi ei murukwikaramu timuligisiisa. Habwokuba esagama niyo esiisa ensi, busaho ekisobora kuleherra ensi enyakuseesirwemu esagama, okwihaho kuseesa esagama y'omuntu ayaseesire esagama omunsi egi.

³⁴Mutalisiisa ensi ei mwikaramu, nanyowe ei nyikaramu; habwokuba nyowe MUKAMA, nyikara hagati y'abantu ba Isirairi.