Read Runyoro - rutooro Kubar 36 Bible Online

Kubar 36 - Runyoro - rutooro bible

Kubar 36

¹Bakuru b'amaju ag'ebitabu eby'abaana ba Giryadi mutabani wa Makiri, mwijukuru wa Manaase, ab'amaju aga batabani ba Yosefu, bakairra haihi Musa n'abeebembezi bakuru b'amaju g'abantu ba Isirairi baabagambira bati:

²“MUKAMA akakuragira, obugwetwa obwa Zerofehadi mugenzi waitu kugiha bahara be.

³Baitu abaisiki abo, obu baraaba bali bakazi baswerwa, baswirwe aboojo ab'enganda ezindi ez'abantu ba Isirairi, obu, obugwetwa bwabo bwihwe omu bugwetwa obwa ba isiitwe bwongerwe omu ruganda oru baswirwemu.”

⁴Ekiro ky'okujaguza kw'Abaana ba Isirairi habw'emyaka makumi ataano obu kirihika, nubwo obugwetwa bw'abaisiki abo buliihwa ha bugwetwa bwa baisenkuruitwe, buteeranizibwe ha bugwetwa bw'oruganda baaswirwemu.

⁵Musa yaragira abantu ba Isirairi MUKAMA nkooku yagambire ati: “Oruganda orwa batabani ba Yosefu, ekirurukugamba kihikire.

⁶Kinu nikyo MUKAMA yaragiire ha bahara ba Zerofehadi, nibaikirizibwa kuswerwa buli musaija weena ou barukurora bati ngu ogu nuwe arukukira oburungi; kyonka baswerege omuntu ow'ekitabu eky'oruganda rwa isebo.

⁷Obugwetwa obw'abantu ba Isirairi, butaliihwaho oruganda orumu bukaheebwa oruganda orundi; habwokuba buli muntu omu Isirairi, aliikara n'obugwetwa obwa baisenkuru.

⁸Kandi omwana weena omwisiki araatungaga obugwetwa omu ruganda rwona orw'abantu ba Isirairi, aswerwege omuntu ow'ekitabu eky'oruganda rwa ise, nukwo abantu ba Isirairi boona basobole kutunga obugwetwa obwa baise bo.

⁹Habweki, hatalibaho ensi erukwihwaho oruganda orumu ekaheebwa oruganda orundi; habwokuba buli ruganda orw'Abaisirairi rw'okwikaraga n'ensi yarwo.”

¹⁰Bahara ba Zerofehadi, baakora kyona MUKAMA eki yaragiire Musa habwokuba:

¹¹Mahara, Tiiriza, Hogora, Mirika na Noha bakaswerwa aboojo aba baisento bo.

¹²Bakaswerwa omu bitabu ebya batabani ba Manaase, mutabani wa Yosefu, ensi yabo yasigara omu ruganda orw'ekitabu ekya baise bo.

¹³Binu nibyo biragiro kandi nibyo ebigambo MUKAMA ebi yaragiire abantu ba Isirairi, naabikwasa Musa omu byeya bya Mowabbu oroleriire Yeriko haihi n'ekisaaru Yorudaani.