Read Runyoro - rutooro Mik 4 Bible Online

Mik 4 - Runyoro - rutooro bible

Mik 4

¹Omu biro eby'omumaiso orusozi orw'enju ya MUKAMA, ruligumibwa, ruliraiha okukirra kimu ensozi zoona. Ruliraiha ruzooke okukira obusozi bwona, amahanga nuho galyeseesa,

²amahanga maingi galiija gagambe gati: “Murugeyo mwije tugende ha rusozi rwa MUKAMA, tugye ha nju ya Ruhanga owa Yakobbo, atwegese ebi arukugonza tukole, na itwe, nukwo tutome akahanda aka yarabiremu.” Habwokuba ebiragiro biriruga Siyoni, ekigambo kya MUKAMA kiihwe Yeruzalemu.

³Alicwera emisango amahanga maingi, kandi aliramura amahanga ag'amaani aga hara; abantu, empirima zaabo baliziheesamu enfuka, amacumu gaabo bagaheesemu ebisalizo; tihalibaho ihanga eririgaruka kuseesira ihanga erindi, amahanga tigaligaruka kuteekereza ha by'obulemu;

⁴buli muntu aliikara nambere ali n'obusinge, aina emizabbibbu n'emitini ye, tihalibaho n'omu alibaliisa akatoorobere. MUKAMA Ruhanga ow'amahe, ebi nuwe abigambire.

⁵Abantu boona noobu baraaba, buli omu nagenda hali mucweezi we, baitu itwe turagenderaga omu ibara lya MUKAMA Ruhanga waitu.

⁶MUKAMA naagamba ati: Ha kiro eki, ndisorooza abalema, ndigarra abo abakaba babingirwe, naabo aba nabonaboneseze;

⁷abalema abo nubo ndisigazaaho, kandi abo abaabingirwe, mbafoole ihanga erikooto; okuruga omu kasumi ako, MUKAMA ayongere kubalema ha rusozi Siyoni obusinge bwoona.

⁸Kandi iwe omunaara ogunyakwikarwamu, igana iwe akasozi ak'abantu ba Siyoni obulemi obwa kara nubwo obukama bw'abantu ba Yerusaalemu, bulikugarukira.

⁹Hati noolizibwa ki? Habw'okutagira MUKAMA? Abahi bawe b'amagezi, bakahwerekerra, nikyo orukusaalirirwa oti, nk'omukazi arukurumwa ebisa eby'okuzaara?

¹⁰Iwe muhara wa Siyoni, oyehotooleze kandi oborooge, nk'omukazi arukurumwa ebisa eby'okuzaara, habwokuba hati, orubuga noija kururugamu, ogende oikale omu bwerre. Noija Bbabbulooni oku nuho olijunirwa, Mukama nuho alikucungurra, akwiheho abanyanzigwa bawe.

¹¹Amahanga maingi geesoroize kukuseesira nigagamba gati: “Ka rusiisikale, nitwija kurora Siyoni yoona nkooku eri kikambuuro.”

¹²Baitu amahanga ago, tigamanyire biteekerezo bya MUKAMA, tigarukwetegereza ntegeka ye, nkooku yagasoroize gafubirwe, nk'ebiba by'engano oku bireetwa ha rubuga orunyakuhuulirwaho.

¹³Inywe abantu ba Siyoni, mwimuke muhuule, habwokuba ninyija kubaha amahembe ag'ekyoma, n'enkagaasi ez'omulinga; nukwo murubaatirre amahanga maingi, eminyago yago mugihongere Ruhanga, itunga lyabo, mulihongere MUKAMA ow'ensi yoona.